ޑިމޮކްރެޓްސްގެ ރައީސްކަމުގެ މަޤާމަށް ހަސަން ލަތީފު ވެސް ވާދަކުރައްވަނީ

ދަ ޑިމޮކްރެޓްސްގެ ރައީސްކަމުގެ މަޤާމަށް އެ ޕާޓީގެ ޗެއާ ޕާސަން އަދި ހެންވޭރު ހުޅަނގު ދާއިރާގެ މަޖިލިސް މެންބަރު ހަސަން ލަތީފް ވާދަ ކުރައްވަން ނިންމަވައިފިއެވެ.
މިކަން ހާމަކޮށް ހަސަން ލަތީފް "ދެން" އަށް މަޢުލޫމާތު ހިއްސާ ކުރައްވަމުން ވިދާޅުވީ ޑިމޮކްރެޓްސް ގެ ރައީސް ކަމުގެ މަޤާމަށް ކުރިމަތިލުމަށް ނިންމާފައިވާ ކަމަށެވެ.
މީގެ އިތުރުން މިރޭ ހަސަން ކުރެއްވި ޓްވީޓެއްގައި ވިދާޅުވީ ޑިމޮކްރެޓްސް ގެ ރައީސް ކަމުގެ މަޤާމަށް ކުރިމަތިލުމަށް ނިންމާފައިވާ ކަމަށާއި ހުރިހާ ޑިމޮކްރެޓުންގެ ތާއީދާއި އެހީތެރިކަން ދެއްވުން ވަރަށް ބޮޑަށް އެދޭ ކަމަށެވެ.
ހަސަން އަކީ ދަ ޑިމޮކްރެޓްސް ޕާޓީ ވުޖޫދަށް ގެނައުމުގައި ވަރަށް އިސްކޮށް ހަރަކާތްތެރިވި ބޭފުޅެކެވެ.
ދަ ޑިމޮކްރެޓްސްއަކީ އެމްޑީޕީގެ ކުރީގެ ރައީސް، ރައީސް މުހައްމަދު ނަޝީދާއި އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ޞާލިހާއި ދެ ބޭފުޅުންގެ މެދުގައި ހިޔާލު ތަފާތުވުން ބޮޑުވެ، ރައީސް ނަޝީދުގެ އަރިސް ބޭފުޅުން އިސްވެ އުފެއްދެވި ޕާޓީއެކެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.