މުޢިއްޒު މިއަދު ގަލޮޅު އުތުރުގައި ދޮރުން ދޮރަށް ހިންގަވާނެ
ޕީޕީއެމް/ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު، މިއަދު މާލޭގެ ގަލޮޅު އުތުރުގައި "ދޮރުން ދޮރަށް" ކެމްޕެއިން ކުރައްވާނެއެވެ.
ޕީޕީއެމް/ޕީއެންސީ އިން މިއަދު ބުނީ، މިއަދު މެންދުރުފަހު، މުޢިއްޒު އިސްކަންދަރު ޖަގަހަ ހުޅުއްވައިދެއްވާނެ ކަމަށެވެ. މި ޖަގަހަ ހުންނަނީ، އިސްކަންދަރު މަގުގައި، ބޯޅަ ޖެހި ސްޓޯރއަށްވުރެ އިރުމަތީގައެވެ.
އަދި ހަވީރު 4:00ގައި ގަލޮޅު އުތުރުގައި ދޮރުން ދޮރަށް ހިންގަވަން ހަމަޖެހިފައިވާއިރު، މި ހަރަކާތް ފައްޓަވާނީ ރަތްވިލާ ގޯޅި، ފާށަނާ ކިލެގެ މަގު ކަންމަތިންނެވެ. އަދި ހަވީރު 5:00ގައި ގަލޮޅު ކަންމަތި ޖަލްސާ ބޭއްވުމަށް ހަމަޖެހިފައިވެއެވެ.
ރިޔާސީ ކެމްޕެއިން މުޢިއްޒު ވަރަށް ހަލުވި ސްޕީޑެއްގައި ކުރިއަށް ގެންދަވާއިރު، އެމަނިކުފާނު ވަނީ 10 ދުވަހުގެ ތެރޭގައި ރާއްޖޭގެ 25 ރަށަކަށް ޒިޔާރާތް ކުރައްވައި، ވަރަށް ގިނަ ވަޢުދުތަކެއް ވެވަޑައިގެންފައެވެ.
ޔާމީނުގެ ޓެކްސް ފޮތުގައި އޮންނާނީ ކޯއްޗެއްކަން މި ރާއްޖޭގެ ހުރިހާ ރައްޔިތުންނަށް އެގޭ އެފޮތް ހުޅުވާލީ ހާމަކަން ބޮޑުގޮތުގައި ރޯމާދުވާލު އެފޮތުގައިވާ ގޮތުގެ މަތީން އޭނާ އަމިއްލައަށް ކުރި ކަންތަކަށް ލިއުނު ހުކުމުގައި އެއޮތީ ޖަލުގައި އެ ފޮތުގައި ހުރީ މުޅިންވެސް އިސްލާމް ދީނާއި ޚިލާފަށް ހުއްދަނޫން ގޮތްގޮތުގައި ފައިސާއާއި ގުޅޭ މަސައްކަތް ކުރުމަށް ގޮވާލާ ވައްކަން ހުއްދަކުރުމަށް ގޮވާލާ ލިޔެފައި ހުރި ވާހަކަތައް އެކަމަށް މިރާއްޖޭގެ ރައްޔިތުން މުއިއްޒު އަށް 30 ވަނަ ދުވަހު ނޫނެކޭ ބުނާނެ