މުޢިއްޒުއަށް ތާއީދު ކުރެއްވި ބައެއް ފަރާތްތައް މަޤާމުން ވަކި ކޮށްފި
މި އަހަރުގެ ރިޔާސީ އިންތިޚާބުގެ ދެވަނަ ބުރުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުޙަމަދު މުޢިއްޒަށް ތާއީދު ކުރެއްވުމުން،ބސަރުކާރުގެ މަޤާމުތަކުގައި ތިއްބެވި ބޭފުޅުންތަކެއް އެ މަޤާމުތަކުން ވަކިކޮށްފިއެވެ.
މޯލްޑިވްސް ރީފޯމް މޫވްމެންޓް (އެމްއާރްއެމް)ގެ ސްލޮޓްގައި މި ސަރުކާރުގެ މަޤާމުތަކުގައި ތިއްބެވި ބޭފުޅުންތަކެއް ރޭ ވަނީ މުޢިއްޒަށް ތާއިދު ކުރައްވަން ނިންމަވައިފައެވެ.
މުޢިއްޒަށް ތާއިދު ކުރެއްވި ސަރުކާރުގެ މަޤާމުތަކުގައި ތިއްބެވި ބޭފުޅުންތައް ވަނީ މަޤާމުން ވަކި ކޮށްފައެވެ.
މިގޮތުން މަގާމުން ވަކި ކުރި ސަރުކާރުގެ މަގާމުތަކުގައި ތިއްބެވި ބޭފުޅުންގެ ތެރޭގައި ސީނިއާ އެގްޒެކެޓުވް ޑިރެކްޓަރ އެމްއާރްއެމް އެކްސްކޯ މެންބަރު، އަލީ ތޯއިފްއާއި، އެ ޕާޓީގެ ސީނިއާ އެގްޒެކެޓުވް ޑިރެކްޓަރ އެމްއާރްއެމް އެކްސްކޯ މެންބަރު، އިސްމާއީލް ރައޫފާއި، ޑެޕިއުޓީ މިނިސްޓަރު، އަދި އެމްއާރްއެމް އެކްސްކޯ މެންބަރު އަނީފާއި، ޑެޕިއުޓީ މިނިސްޓަރު، އަހްމަދު ޒިޔާން އަބްދުއް ރަހުމާންއާއި ޑެޕިއުޓީ މިނިސްޓަރު ޝިމާޒް އަލީ ހިމެނެއެވެ.
ރައީސް އޮފީހުގެ މިނިސްޓަރު އޮފް ދަ ޕްރެޒިޑެންޓް އޮފީސް އިބްރާހީމް ވަހީދު ސޮއި ކުރައްވައި، އެބޭފުޅުންނަށް ފޮނުއްވި ސިޓީގައި ވަނީ ރައީސަށް ލިބިދޭ ބާރުގެ ދަށުން މަޤާމުން ވަކި ކުރައްވާފައިވާ ކަމަށް ދަންނަވަން ރައީސް ވިދާޅުވި ކަމަށެވެ.
ރިޔާސީ އިންތިޚާބުގެ ދެވަނަ ބުރުގައި، އެމްއާރްއެމް އިން ނިންމީ އެއްވެސް ސިޔާސީ ޕާޓީއަކަށް ތާއީދު ނުކުރުމަށެވެ.
ޢެއީ ސިޔާސީ މަޤާމްތަކެއްގާ ތިއްބެވި ބޭފުޅުން. ޢެހެންވީމާ ރައީސުލްޖުމްހޫރިޔާ އެބޭފުޅުންނަށް ކަމުނުދަންޏާ އެބޭފުޅުން ސަރުކާރުގާ ތިއްބެވުން ރަގަޅެއްނޫން.