ފުރަތަމަ ފަހަރަށް ޅ. އަތޮޅު މެޖޯރިޓީ ޕީޕީއެމްއަށް!
ރާއްޖޭގެ އިންތިހާބީ ތާރީހުގައި މުޅިން އަލަށް ޅ. އަތޮޅުން ޕީޕީއެމް މެޖޯރިޓީ ނަގައިފިއެވެ.
ރިޔާސީ އިންތިހާބުގެ ދެވަނަ ދައުރުގެ ވަގުތީ ނަތީޖާ ދައްކާ ގޮތުން ޅ. އަތޮޅުގެ މެޖޯރިޓީ ނެންގެވީ ޑރ. މުހައްމަދު މުއިއްޒުއެވެ. އެގޮތުން އެއަތޮޅުގެ 51.8% ނެންގެވީ މުއިއްޒު އެވެ. އެމަނިކުފާނު ވަނީ ޅ. އަތޮޅުގެ ރަށްތަކުން 3959 ވޯޓު ހޯއްދަވައިފައެވެ.
އެއަތޮޅުގެ ރަށްތަކަށް ބަލާއިރު ރައީސް އިބްރާހިމް މުހައްމަދު ޞާލިހުގެ އުފަން ރަށުން އެމަނިކުފާނު މެޖޯރިޓީ ނެންގެވިއެވެ. ބޮޑު ތަފާތަކުން މުއިއްޒު ކުރި ހޯއްދެވީ ނައިފަރުންނެވެ. ނައިފަރުން ވަނީ މުއިއްޒުއަށް 60% ގެ މެޖޯރިޓީއެއް ދީފައެވެ.
ޅ. އަތޮޅުގެ ހުރިހާ ރަށްތަކުގެ މެޖޯރިޓީ މުއިއްޒު ނެންގެވިއިރު ރައީސް ޞާލިހަށް ލިބިވަޑައިގެންނެވީ އެއަތޮޅުގެ 3679 ވޯޓެވެ. މިއީ 41.2% އެވެ.
މިފަހަރުގެ އިންތިހާބުގައި އެމްޑީޕީގެ ބޮޑު ތާއީދެއް އޮތް ތަންތަނުންވެސް ޑރ. މުއިއްޒު ވަނީ މެޖޯރިޓީ ނަންގަވައި އިންތިހާބު ކާމިޔާބު ކުރައްވައިފައެވެ.
Ads by STO
