ޒިންމާދާރު އިދިކޮޅު ޕާޓީއެއްގެ ހައިސިއްޔަތުން ޑރ. މުޢިއްޒަށް ވެރިކަން ކުރުމުގެ ފުރުސަތު ދޭން ޖެހޭ: ޝާހިދު

ޒިންމާދާރު އިދިކޮޅު ޕާޓީއެއްގެ ހައިސިއްޔަތުން ޑރ. މުޢިއްޒަށް ވެރިކަން ކުރުމުގެ ފުރުސަތު ދޭން ޖެހޭ ކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
ނިޒާމު ކަނޑައެޅުމަށް އާއްމު ވޯޓެއް ނެގުމަށް ރައްޔިތުންގެ މަޖިލީހުން ފާސްކޮށްފައިވާ ގަރާރާ މެދު އެމްޑީޕީން ގޮތެއް ނިންމުމަށް މިހާރު ކުރިއަށް ގެންދާ ގައުމީ ޖަލްސާގައި ވާހަކަފުޅުދައްކަވަމުން ޝާހިދު ވިދާޅުވީ ބަރުލަމާނީގެ ވާހަކަ ދައްކާއިރު އެންމެ ފުރަތަމަ އެމްޑީޕީއަކީ އަބަދުވެސް ޒިންމާދާރު ޕާޓީއެއްތޯ ބަލަން ޖެހޭ ކަމަށެވެ.
"އަޅުގަނޑުމެންނަކީ ދެކޮޅުވެރިވާ ޕާޓީއެއް ނޫން. އަޅުގަނޑުމެންނަކީ އެފަދަ ބައެއް ނޫން. އަޅުގަނޑުމެންނަކީ ޒިންމާދާރު ޕާޓީ" ޝާހިދު ވިދާޅުވިއެވެ.
އަދި އިންތިހާބެއް ބާއްވާ, އެމްޑީޕީއާ އިދިކޮޅު ކެންޑިޑޭޓެއް ހޮވުމުން ވެރިކަމުގެ ގޮނޑީގައި އިށީނުމުގެ ކުރިން އެ ގޮނޑި ދަމައިގަންމަ ބަޔަކަށް ވެގެން ނުވާނެ ކަމަށާއި އެއީ ޒިންމާދާރު އިދިކޮޅު ބަޔަކަށް ނުބެލެވޭނެ ކަމަށް ޝާހިދު ވިދާޅުވިއެވެ.
"އަޅުގަނޑުމެންގެ އިދިކޮޅު ޕާޓީއެއްގެ ގޮތުގަ, ޒިންމާދާރު އިދިކޮޅު ޕާޓިއެއްގެ ގޮތުގަ އެމަނިކުފާނަށް އެ ފުރުސަތު އަރުވަން ޖެހޭ" ޝާހިދު ވިދާޅުވިއެވެ.
ޝާހިދު ވިދާޅުވީ ރައްޔިތުން ގޮތް ނިންމައިފި ކަމަށާއި އެ ނިންމުމަށް އިހްތިރާމް ކުރަން ޖެހޭ ކަމަށެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.