ނަޝީދުގެ އިތުބާރު ނެތްކަމުގެ މައްސަލަ ހުށަހަޅަން އެމްޑީޕީގެ ޕީޖީއިން ފާސްކޮށްފި
ރައްޔިތުންގެ މަޖިލީހުގެ ރައީސް މުޙައްމަދު ނަޝީދުގެ އިތުބާރު ނެތް ކަމުގެ މައްސަލަ ރައްޔިތުންގެ މަޖިލީހަށް ހުށަހެޅުމަށް އެމްޑީޕީގެ ޕާލަމެންޓްރީ ގުރޫޕުން ފާސްކޮށްފިއެވެ.
ޑިމޮކްރެޓްސްގެ ބާނީ، އަދި އެމްޑީޕީގެ ކުރީގެ ރައީސް ނަޝީދުގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅުމާ ގުޅޭ ގޮތުން އެމްޑީޕީގެ ޕީޖީން މިއަދު ވަނީ ބައްދަލުވުމެއް ބާއްވައިފައެވެ.
ނަޝީދުގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅުމަށް ފާސްވީ އެ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ އިއްތިފާގުންނެވެ.
މި މައްސަލަ ހުށަހެޅުއްވުމަށް 45 މެމްބަރުން ވަނީ ސޮއި ކުރައްވައިފައެވެ.
އެމްޑީޕީން ވަނީ މިދިޔަ ޖޫން މަހުގައި ވެސް ނަޝީދުގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅައިފައެވެ. ނަމަވެސް ރިޔާސީ އިންތިޚާބުގެ ފުރަތަމަ ބުރަށްފަހު، ވެރިކަމުގެ ދެވަނަ ދައުރު ކާމިޔާބު ކުރަން، ރައީސް ނަޝިދު އިސްވެ ހުންނަވައި އުފެއްދި "ޑިމޮކްރެޓްސް"ގެ ތާއީދު ބޭނުންވާތީ، މައްސަލަ އަނބުރާ ވަނީ ގެންގޮސްފައެވެ.
ރިޔާސީ އިންތިޚާބުގެ ދެވަނަ ބުރުގައި ޑިމޮކްރެޓްސްއިން ވަކި ކެންޑިޑޭޓަކަށް ތާއީދު ނުކުރި ނަމަވެސް، އެ ޕާޓީން ބުނަމުން ދިޔައީ ރައްޔިތުން، ރައީީސް އިބްރާހީމް މުޙައްމަދު ޞާލިޙު ނޫންގޮތެއް ބޭނުންވާ ކަމަށެވެ.
ރަނގަޅު. އެކަލޭގެ ސައިޒަށް ތިރިކޮށްލާ.