އިންތިޚާބީ ރައީީސް މާދަމާ ހުޅުމާލޭގެ ދެވަނަ ފިޔަވައްސަށް

އިންތިޚާބީ ރައީސް ޑރ.މުޙައްމަދު މުޢިއްޒު ހުޅުމާލޭގެ ދެވަނަ ފިޔަވަހީގައި އުޅޭ ރައްޔިތުންނާއި ބައްދަލުކުރައްވާ ގޮތަށް ހަމަޖެހިއްޖެއެވެ.

Ads by Sosun Fihaara

ޕީޕީއެމްގެ ސެކްރެޓަރީ ޖެނެރަލް، މުޙައްމަދު ޠަލާލް މަޢުލޫމާތު ދެއްވި ގޮތުގައި، މި ބައްދަލުކުރެއްވުން އޮންނާނީ މާދަމާ ހަވީރު 3:45ގައި، ފޭސް2ގެ ނަންބަރު އެކެއް ބަސް ސްޓޮޕް ކައިރީގައެވެ.

މިއީ ރިޔާސީ އިންތިޚާބުގެ ކާމިޔާބީއަށްފަހުގައި، މުޢިއްޒު ރައްޔިތުންނާއިއެކުގައި ބާއްވަވާ މިފަދަ ފުރަތަމަ ބައްދަލުކުރެއްވުމެވެ.

މުޢިއްޒުގެ ވެރިކަމެއްގައި، ހިޔާ ސަރަހައްދުގެ ރައްޔިތުންނަށް ގިނަ ކަންކަން ކޮށްދެއްވުމަށް ވަނީ ވަޢުދުވެވަޑައިގެންފައެވެ.

އެގޮތުން އެމަނިކުފާނުގެ ވެރިކަމެއްގައި އެންމެ ފުރަތަމަ ވެސް ފްލެޓް ދޭނީ، ކުރީގެ ރައީސް  ޔާމީންގެ ސަރުކާރުގައި އިއުލާންކުރި ހިޔާ ފްލެޓް ލިބޭ މީހުންގެ ލިސްޓުން މި ސަރުކާރުން އުނިކުރި މީހުންނަށް ކަމަށް މުޢިއްޒު ވަޢުދުވެވަޑައިގެންފައިވެއެވެ.

އަދި ހިޔާ ފްލެޓްތަކުގެ ކުލި ކުޑަ ކުރުމަށާއި، ތަނުގެ ފިނިޝިން ނިންމަން ދިޔަ ޚަރަދު ދިނުމަށް ވެސް ވަޢުދުވެވަޑައިގެންނެވިއެވެ.