ފަލަސްތިނަށް އެހީވުމަށް ހިންގާ ހަރަކާތްތަކުގައި އަރބަންކޯއިން އެހީތެރިވަނީ
އަރބަންކޯއިން މި ހަފްތާ ބަންދުގައި ފަލަސްތީނަށް އެހީވުމަށް ހިންގާ ތަފާތު ހަރަކާތްތައް ކުރިއަށް ގެންދިއުމަށް އެހީތެރިކަން ފޯރުކޮށްދޭން ނިންމައިފިއެވެ.
މިކަން ހާމަކޮށް އާބަންކޯ އިން މިއަދު ބުނީ މި ހަފްތާ ބަންދުގައި ފަލަސްތީނަށް އެހީވުމަށް ހިންގާ ތަފާތު ހަރަކާތްތައް ކުރިއަށް ގެންދިއުމަށް އެހީތެރިކަން ފޯރުކޮށްދޭން އެ ކުންފުނިން ނިންމާފައިވާ ކަމަށެވެ.
އެގޮތުން ފަލަސްތީނަށް އެހީވުމަށް ބޮޑު ތިން އިވެންޓްއެއް މި ހަފްތާ ބަންދުގައި ބޭއްވުމަށް ރާވާފައިވާ ކަމަށް އާބަންކޯ އިން ހާމަކުރެއެވެ.
އޭގެ ތެރޭގައި އިލްމުވެރިންގެ ގުޅުން، ހިދުމަތް ޖަމިއްޔާއިން 26 އޮކްޓޯބަރގައި ، ފޭސް 2 ހިޔާ ޕާރކްގައި ފަލަސްތީނުގެ ހާލަތާއި މެދު މި މައުޟޫއަށް ދީނީ އިލްމުވެރިންނާއިއެކު ކުރިއަށް ގެންދިމަށް ހަމަ ޖެހިފައިވާ ޕެނަލް ޑިސްކަޝަނަށް އެހީތެރިކަން ފޯރުކޮށް ދިނުމަށް ނިންމާފައިވާ ކަމަށް އާބަންކޯ އިން ހާމަކުރެއެވެ.
ހަމަ އެހެންމެ މޯމްސް އެން.ޖީ.އޯ އިން 27 އޮކްޓޯބަރު ގައި ހިޔާ ސަރަހައްދުގައި ހިންގުމަށް ހަމަޖެހިފައިވާ ފަންޑް ރައިޒިންގ އިވެންޓަށް ވެސް އެހީތެރިކަން ފޯރުކޮށްދިނުމަށް ނިންމާފައިވާ ކަމަށް އެ ކުންފުނިން ހާމަކުރެއެވެ.
މީގެ އިތުރުން ކޭކް ޑޯނާރސް އިން 28،29،އަދި 30 އޮކްޓޯބަރ ގައި ބޭއްވުމަށް ހަމަޖެހިފައިވާ ފަންޑް ރައިޒިންގް އިވެންޓަށް އެހީތެރިވުމަށް ނިންމާފައިވާ ކަމަށް އާބަންކޯ އިން ބުނެފައި ވެއެވެ.
އަރބަންކޯ އިން ބުނީ އެ ކުންފުނީގެ އެދުމަކީ ވިހާވެސް ގިނަ ބޭފުޅުން މި އިވެންޓްތަކުގައި ބައިވެރިވެ ފަލަސްތީނުގައި ހާލުގައި ޖެހިފައިވާ ރައްޔިތުންނަށް އެމީހަކަށް ވީވަރަކުން އެހީތެރިވެދިނުން ކަމަށެވެ.
