Tuesday, 17 November 2026
Advertisement
HDC — Share-Below (leaderboard)
ޚަބަރު

ކޮއްކޯފުޅުގެ ދިފާއުގައި ދުންޔާ; މާލީ ދަތިކަމާއެކު ވެސް ކަލްޗަލް މިނިސްޓްރީން ގިނަ މަސައްކަތްތަކެއް ކުރި

ކޮއްކޯފުޅުގެ ދިފާއުގައި ދުންޔާ; މާލީ ދަތިކަމާއެކު ވެސް ކަލްޗަލް މިނިސްޓްރީން ގިނަ މަސައްކަތްތަކެއް ކުރި

އިޖުތިމާއީ ދާއިރާގެ ގިނަ ދާއިރާތަކަށް ކުރީގެ ސަރުކާރުން އިޙްމާލުވެފައިވާާ ކަމަށާއި ނަމަވެސް މާލީ ދަތިތަކާއެކު ވެސް އާޓްސް, ކަލްޗާ އެންޑް ހެރިޓޭޗް މިނިސްޓަރ ޔުމްނާ މައުމޫން އެ ދާއިރާއަށް ގިނަ ޚިދުމަތްތަކެއްކޮށްދެއްވާފައިވާ ކަމަށް ވިދާޅުވެ, އެކަމަނާގެ ދައްތާފުޅު ކުރީގެ ފޮރިން މިނިސްޓަރު ދުންޔާ މައުމޫން ތައުރީފް ކުރައްވާފައެވެ.

ދުންޔާ މިފަދައިން ތައުރީފް ކުރައްވާފައިވަނީ މި ސަރުކާރުގެ ކެބިނެޓްގައި އަންހެނުންގެ ބައިވެރިވުން ކުޑަކަމަށް ވިދާޅުވެ ޔުމްނާ ކުރެއްވި ޓްވީޓަކާއި ގުޅިގެން މީސްމީޑިއާގައި ބައެއް ފަރާތްތަކުން ދަންކަމުން އަންނަ ވާހަކަތަކަށް ރައްދު ދެއްވާ ކުރެއްވި ޓްވީޓެއްގައެވެ.

ކެބިނެޓްގައި އަންހެނުންގެ ބައިވެރިވުން މަދުވުމުން މީހަކު ކުރި ޓްވީޓެއްގައި ބުނެފައިވަނީ, އަންހެނަކަށްވީތީ މިނިސްޓްރީއެއް ހަވާލު ކުރުމުން, ކަންނުވާކަން ރައީސް ޞާލިޙްގެ ކަލްޗަލް މިނިސްޓްރީން އެނގިގެން ދިޔަ ކަމަށެވެ.

Advertisement
HDC — Sidebar (box)

އެ ވާހަކަތަކައް ރައްދު ދެއްވަމުން ދުންޔާ ވިދާޅުވީ, ޖިންސީ ތަފާތު ކުރުމަށް ހިތްވަރު ނުދީ, ބިނާކުރަނިވި ފާޑު ކިޔަން ގޮވާލާ ކަމަށެވެ. އަދި ކަމަށް ޤާބިލް މީހުން ލީޑަރޝިޕްގެ މަޤާމުތަކުން އަންހެނުން ފެނިގެންދާނީ އެފަދައިން ކަންތައް ކުރުމުން ކަމަށް ވެސް ދުންޔާ ވިދާޅުވިއެވެ.  އޭގެ އިތުރުން ކޮއްކޯފުޅަށް ތައުރީފް ކުރައްވަމުން ވިދާޅުވީ, ވޭތުވެދިޔަ ފަސް އަހަރުގެ ތެރޭގައި ތާރީޚާއި ދިވެހި ބަހާއި ސަޤާފަތް ކުރި އަރުވާ, ތަރިކަ ހިމާޔަތް ކުރެއްވުމަށް ޔުމްނާ މައުމޫން ގިނަ މަސައްކަތްޕުޅު ތަކެއް ކުރެއްވި ކަމަށެވެ.  އަދި އެމަސައްކަތްތަކަށް ޝުކުރު އަދާ ކުރާ ކަމަށް ވެސް ދުންޔާ ވިދާޅުވިއެވެ.

އިތުރު ޓްވީޓެއްގައި ދުންޔާ ވިދާޅުވީ, މި ސަރުކާރުގެ އިސް މަޤާމުތަކުން އަންހެނުން ފެންނާނެ ކަމަށް ޝައްކު ނުކުރައްވާ ކަމަށެވެ. އަދި ޑރ. މުޢިއްޒުގެ ސަރުކާރުގައި ސަރުކާރުގެ ކުންފުނިތަކުގެ އިސްވެރިންނަށް އަންހެނުން އައްޔަން ކުރައްވާ, މަޖިލީހުގައި އަންހެނުންގެ ދައުރު ފުޅާ ކުރައްވާނެ ކަމަށް ޝައްކު ނުކުރައްވާ ކަމަށް ވިދާޅުވިއެވެ.

ރައީސް ޑރ. މުއިއްޒު ކުރިން ވިދާޅުވެފައިވަނީ ކެބިނެޓްގައި އަންހެން ބޭފުޅުން މަދުވިނަމަވެސް ސިޔާސީ އެހެން މަގާމުތަކުގައި އަންހެނުންގެ ދައުރު ކުޑަ ނުވާނެ ކަމަށެވެ. އެގޮތުން ސަރުކާރު ހިއްސާވާ ބައެއް ކުންފުނިތަކުގެ ވެރިންނަށް އަންހެން ބޭފުޅުން އައްޔަން ކުރައްވަން ރައީސް ވަނީ ނިންމަވައިފައެވެ. އަދި ސިޔާސީ ގިނަ މަޤާމުތަކުގައި އަންހެނުން ތިއްބަވާނެ ކަމަށާއި މި ސަރުކާރުގައި އަންހެނުންގެ ދައުރު ބޮޑުވާނެ ކަމަށް ރައީސް ޑރ. މުޢިއްޒު ވަނީ ވިދާޅުވެފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.