ޕީއެންސީއާ އިތުރު 1،000 މީހުން ގުޅިއްޖެ
މިހާރު ވެރިކަން ކުރާ ޕާޓީ، ޕީއެންސީއާ އިތުރު 1،000 މީހުން ގުޅިފައިވާ ކަމަށް އެ ޕާޓީން ބުނެފިއެވެ.
އެކްސްގައި ޕީއެންސީން ކޮށްފައިވާ ޕޯސްޓެއްގައި ބުނެފައިވަނީ ޕީއެންސީއާ އިތުރު 1000 މީހުން ގުޅިފައިވާ ކަމަށެވެ. މި ފޯމުތަކާއި ގުޅޭ އިތުރު ތަފްސީލެއް ދީފައިނުވެއެވެ.
އަލަށް ޕާޓީ ސޮއިކުރި މީހުންގެ ފޯމުތަކާ ހަވާލުވެވަޑައިގެންނެވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ހާއްސަ އެޑްވައިޒަރު، އަބްދުއްރަހީމް އަބްދުﷲ (އަދުރޭ) އެވެ.
މިދިޔަ ފެބްރުއަރީ 21 އާ ހަމައަށް ޕީއެންސީގައި މެންބަރުންގެ ގޮތުގައި ތިބީ 3159 މެންބަރުންނެވެ.
ރައީސް ޑރ. މުޙައްމަދު މުޢިއްޒުގެ އަމާޒަކީ ތިން މަސް ތެރޭގައި ޕީއެންސީ އަށް 10،000 މެމްބަރުން އިތުރުކޮށް، އެ ޕާޓީ ވަރުގަދަ ކުރުމެވެ. އެ ކަމަށްޓަކައި އެ މަނިކުފާނު ގެންދަވަނީ މަސައްކަތްތަކެއް ކުރައްވަމުންނެވެ.
ރައީސް ޑރ. މުޢިއްޒު ބޭނުންފުޅުވަނީ ކުރިއަަށް އޮތް ރައްޔިތުންގެ މަޖިލިހުގެ އިންތިހާބުގައި ވެސް ޕީޕީއެމް/ޕީއެންސީ ގުޅިގެން ވާދަކޮށް، މަޖިލިހުގެ ބޮޑު އަޣުލަބިއްޔަތެއް ހޯދުމަށެވެ.
Ads by STO
