ރައީީސް ޔާމީންގެ ޕާޓީ އުފެއްދުމުގެ ހުއްދަ މާދަމާ ދެނީ
ރައީސް ޔާމީން ޢަބްދުލްޤައްޔޫމް އިސްވެ ހުންނަވައި އުފައްދަވަން މަސައްކަތް ކުރައްވާ ޕީޕަލްސް ނެޝަނަލް ފްރަންޓް(ޕީއެންއެފް) އުފެއްދުމުގެ ހުއްދަ މާދަމާ ލިބޭނެ ކަމަށް އިލެކްޝަންސް ކޮމިޝަން(އީސީ)ގެ ރައީސް ފުއާދު ތައުފީޤު ވިދާޅުވެއްޖެއެވެ.
ރައީސް ޑރ.މުޙައްމަދު މުޢިއްޒުގެ ސަރުކާރަށް ހަފްތާއެއް ނުވަނީސް، ރައީސް ޔާމީން ވަނީ ޕީޕީއެމް/ޕީއެންސީން ވަކިވެވަޑައިގެންފައެވެ. އެމަނިކުފާނުގެ ޕާޓީ، ޕީއެންއެފްގެ މުއައްސިސަކީ ދޮށީ ދަރިކަލުން ޒޭން ޔާމީންއެވެ.
އީސީގެ ރައީސް ފުއާދު ވިދާޅުވީ ޕީއެންއެފް އުފެއްދުމުގެ ހުއްދައަށް އެދި އެޕްލިކޭޝަން ފޯމާއި އެހެނިހެން ލިޔެކިޔުންތައް ލިބިފައިވަނި އިއްޔެ މެންދުރުކަމަށެވެ.
އެހެންވެ، ލިޔެކިޔުންތައް ބެލުމަށްފަހު މާދަމާ ޕާޓީ އުފެއްދުމުގެ ހުއްދަ ދޫކުރެވޭނެކަމަށް ޔަޤީން ކުރެވޭކަމަަށް ފުއާދު ވިދާޅުވިއެވެ.
ފުއާދު މިހެން ވިދާޅުވިއިރު، ޕީއެންއެފް އުފެއްދުމަށް ހުއްދަ ލިބުން ލަސްވެ، އެކަމުގައި އިސްކޮށް އުޅުއްވާ ބައެއް ބޭފުޅުން ވަނީ ކަންބޮޑުވުންފާޅުކުރައްވައިފައެވެ.
ޖަމީލުގެ ވީޑީއޯ ބައްލަވާލެއްވީމަ އެނގޭނެ ކުރިއަށް ދާނެ ގޮތް