ކުރިއަށް އޮތް 5 އަހަރު ތެރޭގައި ކަރަންޓުގެ %33 އިއާދަ ކުރަނިވި ހަކަތަ އަށް ބަދަލު ކުރާނަން: ރައީސް މުޢިއްޒު
ކުރިއަށް އޮތް ފަސް އަހަރު ދުވަހުގެތެރޭގައި ރާއްޖޭގައި ބޭނުން ކުރާ ކަރަންޓުގެ 33 ޕަސެންޓް އިއާދަ ކުރަނިވި ހަކަތަ އަށް ބަދަލުކުރުމުގެ މަޝްރޫޢެއް ހިންގަވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ ދުބާއީގައި މިހާރު ކުރިޔަށް ދާ "ކޮޕް28" ސަމިޓުގެ މިއަދު ދެއްވި ތަގުރީރުގައެވެ.
އެގޮތުން ރައީސް މުޢިއްޒު ފާހަގަކުރެއްވި ގޮތުގައި ރާއްޖޭގައި މިހާރު އިއާދަކުރަނިވި ހަކަތަ ބޭނުން ކުރާ މިންވަރު ހުރީ ހަތަރު ޕަސެންޓްގައި ކަމަށެވެ.
އެހެންކަމުން އެ އަދަދު 33 ޕަސެންޓަށް އިތުރު ކުރުމަށް ފަށާ މަސައްކަތަށް މަދުވެގެން 9.2 ބިލިއަން ރުފިޔާ ބޭނުންވާނެ ކަމަށް ރައީސް މުޢިއްޒު ވިދާޅުވިއެވެ.
ހަމަ އެހެންމެ އެކަން ހާސިލް ކުރުމަށް ބައިނަލްއަޤުވާމީ މުޖްތަމަޢުގެ އެހީތެރިކަން ބޭނުންވާނެ ކަމަށް ރައީސް ވަނީ ވިދާޅުވެފައެވެ.
ރައީސް މުޢިއްޒުގެ ތަގުރީރުގައި ވަނީ ހުރިހާ އެންމެންގެވެސް ދިރިތިބުމަށާ، ދިރިއުޅުން ބިނާކުރުމަށްވެސް، މި ނާޒުކު ތިމާވެށި ރައްކާތެރިކަމާއެކު ދަމަހައްޓަން ބޭނުންވާ ކަމަށް ވިދާޅުވެފައެވެ.
މޫސުމަށް އަންނަ ބަދަލުތަކުން ލިބޭ ގެއްލުން ތަކުން އަރައިގަތުމަށް އެހީތެރިވާ، 'ލޮސް އެންޑް ޑޭމަޖް ފަންޑު' ގެ ބޭނުން ހިފަން ފަށައިގަތުމަށް، ނިންމި ނިންމުމާމެދު އުފާކުރައްވާ ކަމަށްވެސް ރައީސް ވަނީ ވިދާޅުވެފައެވެ.
ބަނގުރަލާއި އޫރުމަސް ވިއްކަނީ ވިއްކާނެއް އެއްޗެއްވެސް ނުލިބިފައި ތިބޭ ވަރަށް ފަޤީރު ޤައުމުތަކުން ދިވެހިރާއްޖެ ކަހަލަ މަސްވެރިކަމާއި ދަނޑުވެރިކަން ކުރާ މުއްސަދި ޤައުމަކުން އެކަހަލަ އެއްޗެހި ވިއްކުމަކީ ވަރަށް ހުތުރު ލަދުވެތިކަމެއް !😆