ޤައުމީ ވިސްނުމުގެ ލީޑަރުންނާއިއެކު ކުރިއަށް ދެވޭނެ: ރައީސް
ޤައުމީ ވިސްނުން އިސްކުރައްވައިފިނަމަ، ޕީޕީއެމް/ޕީއެންސީން ވަކިވެވަޑައިގެންނެވި ރައީސް ޔާމީން ޢަބްދުލްޤައްޔޫމާއިއެކުގައި ވެސް ކުރިއަށް ވަޑައިގެންނެވިދާނެ ކަމުގެ އިޝާރާތެއް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ކުރައްވައިފިއެވެ.
ތުރުކީ އާއި ޔޫއޭއީ އަށް ކުރެއްވި ދަތުރުފުޅު ނިންމަވައިލައްވައި، ރާއްޖެ ވަޑައިގެން އެއާޕޯޓުގައި ވާހަކަފުޅު ދައްކަވަމުން، ރައީސް ޔާމީން ޕީޕީއެމް/ޕީއެންސީން ވަކިވެވަޑައިގަތުމަކީ "ޗެލެންޖް" އަކަށް ވާނެތޯ އާއި އެކަމުގެ ސަބަބުން ރައްޔިތުންގެ މަޖިލިސް އިންތިޚާބު ކާމިޔާބު ކުރަން ދަތި ވެދާނެތޯ ނޫސްވެރިޔަކު ސުވާލު ކުރުމުން ރައީސް މުޢިއްޒު ވިދާޅުވީ ޤައުމު އިސްކޮށް، ހުރިހައި ބޭފުޅުންގެ އެއްބާރުލުމާއިއެކީގައި ކަންކަން ކުރިއަށްދާން ބޭނުންކަމުގައިވާނަމަ، އެއީ ރަނގަޅު ގޮތް ކަމަށެވެ.
"އަޅުގަނޑު ޤަބޫލުކުރާ ގޮތުގައި، ޤައުމުގައި ތިބި ހުރިހައި ސިޔާސީ ވެރިން ވެސް ބޭނުންވާނީ، ޤައުމަށް ރަނގަޅު ގޮތް ވާން." ރައީސް ވިދާޅުވިއެވެ.
ރައީސް މުޢިއްޒު ވަނީ ހުރިހައި ސިޔާސީ ލީޑަރުން ވެސް ޤައުމު އިސްކުރުމުގެ މުހިންމުކަމާއި ގުޅޭގޮތުން އެމަނިކުފާނު ވެރިކަމުގެ ހުވައި ކުރެއްވުމަށްފަހު ދެއްވި ފުރަތަމަ ތަޤްރީރިގައި ވެސް ވާހަކަފުޅު ދެއްކެވިކަން ފާހަގަކުރައްވައިފައެވެ.
ރައީސް ޔާމީން ޕީޕީއެމް/ޕީއެންސީން ވަކިވެވަޑައިގެންނެވީ ރައީސް މުޢިއްޒުގެ ވެރިކަމަށް ހަފްތާއެއް ވެސް ނުވަނީހެވެ. އެމަނިކުފާނު މިހާރު ގެންދަވަނީ އައު ސިޔާސީ ޕާޓީ ޕީއެންއެފް އުފެއްދުމުގެ މަސައްކަތް ކުރައްވަމުންނެވެ.
މަޖީދީމަގުގެ އެންމެ ބާރު ބޮޑުވާ ތަނުގައި ޕޮލިހުންގެ ވެހިކަލް ޕާކުކޮށްފައި ހުރުމަކީ އާންމުންނަ ދަތި އުދަގޫވާކަމެއް، ދައުލަތުގެ ވެހިކަލްތަށްވެސް ހުންނާންވާނީ އާންމުންނަށް އުދަގޫ ނުވާގިތަށް ގަރާޖުގައި ޕާކުކުރެވިފައި !
ތަ ނޮހޮވޭނެ ތަކީ ތަންތަން ހިންގުމުގެ ގާބިލް ކަން ހުރި މީހެއް ނޫނޭ ތަ އަދި މުއިއްޒު ރަނގަޅުވާނީ އަލިފު ލައިލާ ވާހަކަ ކިޔަން ތިބިއްޔާއޭ ކޮބާ މުއިއްޒުގެ ވެރިކަމަށް މަސް ދުވަސްވީ ނެރެދެވުނު އެއްވެސް ނަތީޖާ އެއް ނެތޭ މިފަހަރު މަމެން ޕީއެންފްރަންޓޭ މެން ވެސް ވޯޓްދޭނީ ކުޅަދާނަ ހިންގުންތެރި އާޒިމް އަށޭ އޭނާ މާލޭގެ މަގު ނުވިއްކާނެ ދަފްތަރު އަލުން ހުޅުވާލާނެ ކުރިން އޮތް ގޮތަށް
ދަފްތަރުބޭނުމެންނޫން