ރައީސް ޔާމީން ޕީއެންއެފްއަށް ސޮއިކުރައްވައިފި

ކުރީގެ ރައީސް ޔާމީން އަބްދުލް ޤައްޔޫމް ޕީޕަލަސް ނެޝަނަލް ފްރަންޓު (ޕީއެންއެފް) ސޮއިކޮށްފިއެވެ.

މިރޭ ޕާޓީގެ އޮފީހުގައި އޮތް ރަސްމިއްޔާތުގައި ރައީސް ޔާމީން ޕީއެންއެފްއަށް ސޮއި ކުރެއްވުމަށް ފަހު ފޯމު ހަވާލު ކުރެއްވީ ޕާޓީ އުފެއްދުމުގައި އިސްކޮށް އުޅުއްވާ ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލުއާއެވެ.

މަލީހް ވަނީ ރައީސް ޔާމީން އުފައްދަވާ ޕީޕަލްސް ނޭޝަނަލް ފްރޮންޓް (ޕީއެންއެފް) އުފެއްދުމަށް 3،000 މެމްބަރުންގެ ފޯމު މިހާރުވެސް ހަމަކުރެވިފައި ވާކަމަށާއި، މިހާރު ކުރެވެމުންދަނީ އިލެކްޝަންސް ކޮމިޝަނަށް އެ ފޯމުތައް ހުށަހެޅުމުގެ މަސައްކަތް ކަމަށް މީގެ ކުރިން ވިދާޅިވެފައެވެ.

މިރޭ ބޭއްވި ރަސްމިއްޔާތުގައި ވެސް ވަނީ ޕީއެންއެފްއަށް އަލަށް ގުޅުނު ފަރާތްތަކުގެ ފޯމު ހުށަހަޅާފައެވެ.

ރައީސް ޔާމީން ޕީޕީއެމްއިން ވަކިވެވަޑައިގެންނެވީ 23 ނޮވެމްބަރުގައެވެ.