ވީ ވައުދާ އެއްގޮތަށް ފައިސާ ޗާޕުކުރުން ހުއްޓާލައިފިން: ރައީސް މުޢިއްޒު

ވައުދާ އެއްގޮތަށް މި ސަރުކާރު ވެރިކަމާ ހަވާލުވުމަށްފަހު ފައިސާ ޗާޕުކުރުން ހުއްޓާލާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

Ads by STELCO

އެމަނިކުފާނު މިހެން ވިދާޅުވީ ހުރަވީ ދުވަސް ފާހަގަކުރުމުގެ ގޮތުން ސޯޝަލް ސެންޓަރުގައި ރޭ ބޭއްވެވި ރަސްމީ ޖަލްސާގައި ވާހަކަފުޅު ދައްކަވަމުންނެވެ.

އެ ޖަލްސާގައި ވާހަކަފުޅުދައްކަވަމުން ރައީސް މުޢިއްޒު ވިދާޅުވީ ފައިސާ ޗާޕުކުރުން ހުއްޓާލާނެކަން އެއީ ވެފައިވާ ވައުދެއް ކަމަށެވެ.

"އަޅުގަނޑުމެން ސަރުކާރު ހިންގަން ފެށުމާއެކު ދައުލަތުން ފައިސާ ޗާޕުކުރުން ހުއްޓައިލައިފިން" ރައީސް މުޢިއްޒު ވިދާޅުވިއެވެ.

ރައީސުލްޖުމްހޫރިއްޔާގެ ހަފްތާ 14 އެޖެންޑާގެ ތެރޭގައި ފުރިހަމަ ކުރުމަށް ވީ ވައުދުފުޅު ތަކުގެ ތެރެއިން ފައިސާ ޗާޕްކުރުން އެއްކޮށް ހުއްޓާލާނެ ކަމަށް ވަނީ ވައުދުވެފައެވެ.