އައްޑޫ ސިޓީ ހިތަދޫގައި ހިނގި އެކްސިޑެންޓެއްގެ މަންޒަރު ދުށް މީހަކު ހޯދަނީ

އައްޑޫ ސިޓީ ހިތަދޫގައި ހިނގި އެކްސިޑެންޓެއްގެ ތަހުޤީޤަށް ފުލުހުންގެ ބޭނުމަށް އެ އެކްސިޑެންޓުގެ މަންޒަރު ދުށް މީހަކު ހުރިތޯ ބަލަން އިއުލާން ކޮށްފިއެވެ.

Ads by MWSC

މި މަހުގެ 11 ވަނަ ދުވަހުގެ 16:28 ހާއިރު އައްޑޫ ސިޓީ ހިތަދޫ، މެދެއާރި މަގާއި ޝަރަފުއްދީން މަގު ގުޅުނު ހަތަރު އަނގޮޅިން ހިނގި މި އެކްސިޑެންޓް ވެފައި ވަނީ ކާރަކާއި ސައިކަލެއް ޖެހިގެންނެވެ.

ފުލުހުން ބުނީ މި އެކްސިޑެންޓުގައި އަނިޔާވެފައި ވަނީ ސައިކަލު ދުއްވަންއިން 83 އަހަރުގެ ފިރިހެނަކަށް ކަމަށެވެ.

މި އެކްސިޑެންޓުގައި އޭނާއަށް ލިބުނު އަނިޔާތަކަށް އޭޑީކޭގައި ފަރުވާދެމުން ދާކަަމަށްވެސް ފުލުުހުން ބުނެފައި ވެއެވެ.

ފުލުހުން ވަނީ މި އެކްސިޑެންޓުގެ މަންޒަރު ދުށް އެއްވެސް މީހަކު ހުރި ނަމަ އައްޑޫ ސިޓީ ހިތަދޫ ޕޮލިސް ސްޓޭޝަންގެ ނަންބަރު 9791612 އަށް ގުޅުމަށް އެދިފައެވެ.