މި ސަރުކާރުން އަޅުގަނޑަށް ދިން އެއްވެސް ލުޔެއް ނެތް: ރައީސް ޔާމީން
މި ސަރުކާރުން އެމަނިކުފާނަށް ދިން އެއްވެސް ލުޔެއް ނެތް ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
ޕީޕަލްސް ނެޝަނަލް ފްރޮންޓް (ޕީއެންއެފް)ގެ ޓިކެޓުގައި ރައްޔިތުންގެ މަޖިލީހަށް ނުކުންނަން ޝައުގުވެރިކަން ފާޅުކުރައްވާފައިވާ ކެންޑިޑޭޓުން ތައާރަފްކުރުމަށް ރޭ ބޭއްވި ޖަލްސާގައި ވާހަކަފުޅުދައް ރައީސް ޔާމީން ވިދާޅުވީ މި ސަރުކާރަކީ އެމަނިކުފާނު ގެނައި ސަރުކާރެއް ކަމަށެވެ.
ނަމަވެސް ކުރީ ސަރުކާރުން ދިން ލުއިތައް ފުޔަވައި އިތުުރ ލުޔެއް ދީފައި ނުވާ ކަމަށް ރައީސް ޔާމީން ވިދާޅުވިއެވެ.
"މި ސަރުކާރަށް ތާއީދުވެސް ކުރަން. އެކަމަކު ނިމި ދިޔަ ސަރުކާރުން ދިން ލުޔެއް ފިޔަވައި އެއްވެސް ލުޔެއް ނެތް ލިބިފައި" ރައީސް ޔާމީން ވިދާޅުވިއެވެ.
ރާއްޖޭގައި ސަރުކާރު ޖަވާބުދާރީ ކުރެވޭނެ މީހެއް ނެތް ކަން ފާހަގަކުރައްވަމުން ރައީސް ޔާމީން ވިދާޅުވީ އެމަނިކުފާނުގެ އަލަށް އުފައްދަވާ ޕާޓީ ޕީޕަލްސް ނެޝަނަލް ޕްރޮންޓުން ކުރިއަށް އޮތް މަޖިލިސް އިންތިހާބަށް މެމްބަރުންތަކެއް ނެރެން މަސައްކަތް ކުރަމުންދާ ކަމަށެވެ. އެކަމުގައި ވެސް ގޮންޖެހުނަތަކެއް ހުރި ކަމަށް ރައީސް ޔާމީން ވިދާޅުވިއެވެ.
