ރަޖިސްޓްރޭޝަނަށް ވަރަށް ބޮޑަށް ފާރަވެރިވާން ޖެހޭ: ޔާމީން
ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އިލެކްޝަން ކޮމިޝަނުން (އީސީ) އިން ރީ ރަޖިސްޓްރޭޝަން ކުރިއަށްގެންދާ ގޮތާއި މެދު ފާރަވެރިވާން ކުރީގެ ރައީސް އަބްދުﷲ ޔާމީން، އެމަނިކުފާނުގެ ތާއިދާއެކު މަޖިލީހަށް ވާދަކުރައްވާ ކެންޑިޑޭޓުންނަށް އިލްތިމާސް ކުރައްވައިފިއެވެ.
ޕީޕީއެމުން ވަކިވެވަޑައިގަތް ޔާމީން, އިސްވެ ހުންނަވައިގެން ޕީޕަލްސް ނޭޝަނަލް ކޮންގްރެސް (ޕީއެންއެފް) ގެ ނަމުގައި އާ ޕާޓީއެއް އުފެއްދުމުގެ މަސައްކަތް ކުރިއަށް އެބަދެއެވެ. ޕާޓީ ރަޖިސްޓްރީ ކުރަން އިލެކްޝަން ކޮމިޝަނަށް އޮތީ މިހާރު ވައްދާފައެވެ. ގޭ ބަންދުގައި ހުންނެވި ޔާމީނުގެ ތާއިދާއެކު ވާދަކުރައްވާ ކެންޑިޑޭޓުންނާ އެމަނިކުފާނު ގެންދަވަނީ ޕާޓީ އޮފީހުގައި ބައްދަލުވުންތައް ބާއްވަމުންނެވެ. ވާދަކުރާ ކެންޑިޑޭޓުންނާ އެކި ކަންތަކުގައި ޔާމީން ސުވާލުވެސް ކުރެއެވެ. ހޮވިއްޖެނަމަ ރައްޔިތުންނަށް ކޮށްދޭނެ ކަންތައްތަކުގެ މައުލޫމާތުވެސް އޮޅުންފިލުއްވައެވެ.
އެގޮތުން ކުރިއަށްދާ ސިލްސިލާ ބައްދަލުވުމުގެ ތެރެއިން ރޭ ބޭއްވި ބައްދަލުވުމުގައި އިންތިހާބު އޮންނަ ތާރީހު އޭޕްރީލު މަހުގެ 17 އަށް ބަދަލުވުމާއި ގުޅިގެން ޔާމީން ވާހަކަ ދެއްކެވިއެވެ. ވިދާޅުވީ ރޯދަ މަހުގެ ފަހުން އިންތިހާބު ބާއްވާން ނިންމުމުން ފުރުސަތުތައް ތަނަވަސް ވެގެންދާނެ ކަމަށް ގަބޫލުކުރައްވާ ކަމަށެވެ.
އެންމެ 'އަރިސް ބޭފުޅުން' ކަމަށްވާ ކުރީ ސަރުކާރުގެ ކޮމިއުނިކޭޝަން މިނިސްޓަރު މުހައްމަދު މަލީހު އާއި އެމަނިކުފާނުގެ ވަކީލު ޑރ ޖަމީލު އަހުމަދާ ދެބޭފުޅުންގެ ދެމެދުގައި އިށީންދެވަޑައިގެން ހުންނެވި ޔާމީން ވިދާޅުވީ އިލެކްޝަނުން ހަދާފައިވާ އެއްވެސް ގަވާއިދަކީ ބަދަލުނުކުރެވޭނެ ގަވައިދެއް ނޫން ކަމަށެވެ. މާބޮޑު ތަފްސީލެއް ނުދެއެވެ.
އެއަށް ފަހު 2023 ގެ ރިޔާސީ އިންތިހާބު ކުރިއަށް ދިޔައިރު އޭރު ޖަލުގައި ހުންނެވި ޔާމީން ވިދާޅުވީ މިދިޔަ ރިޔާސީ އިންތިހާބުގައިވެސް ރީ ރަޖިސްޓްރޭޝަންގެ މައްސަލަތަކެއް ހިނގާފައިވާތީ މި ފަހަރުގެ މަޖިލީހުގެ އިންތިހާބުގައި އެކަމަށް ވަރަށް ބޮޑަށް ކެނޑިޑޭޓުން ސަމާލުކަން ދޭން ޖެހޭ ކަމަށެެވެ. އޭރު ޕީޕީއެމްއާއި އެމްޑީޕީން ތުހުމަތު ކުރީ އީސީގެ ރީ- ރެޖިސްޓްރޭޝަން ޕޯޓަލް ހެކް ކުރަން ބަޔަކު އުޅުނު ކަމުގެ ތުހުމަތެވެ. އެކަމަކު އެ ވާހަކަތައް އީސީން ދޮގުކޮށްފައިވެއެވެ.
ޔާމީން ވިދާޅުވި ގޮތުގައި ރީ ރަޖިސްޓްރީކުރާތަން ނޫން އެހެން ތަނަކަށް ރަޖިސްޓްރީ ބަދަލުވެއްޖެނަމަ އެކަަން ބެލެވޭނީ އީސީގެ ފަރާތުން ހިނގައި ދިޔަ ކަމެއްގެ ގޮތުގައި ކަމަށެވެ. ''ރީ ރަޖިސްޓްރޭޝަން އެހެންތަންތަނަަށް ބަދަލުކުރުމައި ރަޖިސްޓްރީވެފައި ނެތުން، އޮޅުމަކުން ނަމަވެސް އެހެންވެއްޖެއްޔާ އީސީގެ ފަރާތުން ދިޔަ ކަމަކަށް ވަނީ، އެހެން ވެއްޖެއްޔާ އިންތިހާބު އިންސާފުވެރި އިންތިހާބަކަށް ނުވާނެ'' ޔާމީން ވިދާޅުވިއެވެ.
އަލަށް ރީ ރަޖިސްޓްރޭޝަނަށް ހުޅުވާލާނެ ދުވަހެއް އީސީން ހާމަކޮށްފައެއް ނުވެއެވެ.
ޕٍއެންއެފް ކިހިނެއްތަ ޕٍޕަލް ނެސަނަލް ކޮންގްރެސް އައްވި…. ފޮންގްރެސް ކިޔަންވٍނު
ރ ޔާމީނަކީ މާޒީ ގަ ވ ފައިދާހުރި ކަންތަށްތަކެއް ރައްޔިތުންނަށް ކޮއްދީފަވާ ބޭފުޅެއް އެމަނިކުފާނުގެ ވެރިކަމުގަ ކުރެވުނު ވ ރަނގަޅު ކަންތައްތަކެއް އެބަހުރި އެކަމަކު އެއީ މާޒީ ދެން މިގައުމަށް ކުރިން ވެރިކަންކުރެއްވި އެއްވެސް މީހަކު ވެރިއަކަށް ނުގެންނާނެ އެއީ ޔަގީން ކަމެއް މަލީހު އާއި ޖަމީލު އާއި ދެމީހުން ކައްކާ ބޮނޑިބަތް ކާނީ އެމްޑީޕީ މީހުން ކިބުރުވެރިންނަކީ ގައުމަކަށް ބޭނުންވާ ބައެއްނޫން