ކޮވިޑް ޖެހިގެން އިތުރު ދިވެއްސެއް ނިޔާވެއްޖެ، މައްޔިތާއަށް ސުވަރުގެ މިންވަރު ކުރައްވާށި!
- ކޮވިޑް19 ޖެހިގެން އިތުރު ދިވެއްސެއް ނިޔާވެއްޖެއެވެ. މިއާއެކު ރާއްޖެއިން މިބަލީގައި ނިޔާވި މީހުންގެ އަދަދު 29 އަށް އަރައެވެ.
ކޮވިޑް19 ޖެހިގެން އިތުރު ދިވެއްސެއް ނިޔާވެއްޖެއެވެ. މިއާއެކު ރާއްޖެއިން މިބަލީގައި ނިޔާވި މީހުންގެ އަދަދު 29 އަށްވަނީ އަރާފައެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ކޮވިޑް-19 އަށް ފަރުވާ ދިނުމަށްޓަކައި ހާއްސަކޮށްފައިވާ ދަރުމަވަންތަ ހޮސްޕިޓަލް (ޑީއެޗް11) ގައި ފަރުވާ ދެމުންދިޔަ ދިވެއްސެއް ރޭ ދަންވަރު ނިޔާވެފައިވާ ކަމަށާއި އެއީ އުމުރުން 79 އަހަރުގެ ދިވެހި ފިރިހެނެއް ކަމަށެވެ.
މިދިއަ 24 ގަޑިއިރުގެ ތެރޭގައި ކޮވިޑް-19 އަށް 137 މީހަކު ޕޮޒިޓިވް ވެފައިވާއިރު، ރާއްޖޭގައި މިހާތަނަށް ޖުމްލަ 7،804 މީހުންނަށް މިބަލި ވަނީ ޖެހިފައެވެ. އަދި 5،155 މީހުން ވަނީ ބަލިން ރަނގަޅު ވެފައެވެ.
ފަހުން ފެންނަ ކޭސްތަކުގެ ތެރޭގައި ދިވެހިން ގިނައިން ހިމެނޭއިރު ގިނަ ބަޔަކަށް ދަނީ ހޮސްޕިޓަލުތަކުގައި ބައިތިއްބައިގެން ވެސް ފަރުވާ ދެމުންނެވެ. ހޮސްޕިޓަލުތަކުގައި މިވަގުތު 172 މީހަކަށް އަންނަނީ ފަރުވާ ދެމުންނެވެ.
