ރ.އަލިފުށި ފުޓްބޯޅަ ދަނޑުގައި ރޮސްޓްރަމް އަދި ލައިޓިންގް ސިސްޓަމް ޤާއިމުކޮށްދޭނެ ފަރާތެއް ހޯދަން އިއުލާންކޮށްފި
ރ. އަލިފުށި ފުޓްބޯޅަ ދަނޑުގައި ރޮސްޓަމް އަދި ލައިޓްނިންގް ސިސްޓަމް ގާއިމު ކޮށްދޭނެ ފަރާތެއް ހޯދުމަށް މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވާމެންޓުން އިއުލާން ކޮށްފިއެވެ.
މިމަސައްކަތް ކޮށްދޭނެ ފަރާތެއް ހޯދުމަށް އިއުލާން ކޮށްފައިވަނީ މިއަދުއެވެ.
ރ.އަލިފުށި ފުޓުބޯޅަ ދަނޑުގެ މަސައްކަތުގެ ބޮޑުބައެއް މިހާރު ނިންމާފައިވާއިރު، މިހާރު ކުރިއަށް ދަނީ ދަނަޑުގައި ފެންސު ޖެހުމުގެ އަމަލީ މަސައްކަތެވެ.
މިމަސައްކަތް ކޮށްދޭނެ ފަރާތެއް ހޯދުމަށް މިނިސްޓްރީ އޮފް ޔޫތުން ކޮށްފައިވާ އިއުލާނުގައި ވާގޮތުން ބިޑު ހުށަހަޅަން ޖެހޭ ތާރީޚަކީ 14 ސެޕްޓެމްބަރު 2020 ވާ ހޯމަދުވަހުއެވެ. ބިޑުހުށަހަޅަން ޖެހެނީ މިނިސްޓްރީ އޮފް ޔޫތު، ކޮމިއުނިޓީ އެމްޕަވާމަންޓަށެވެ.
އަލިފުށި ދަނޑުގެ ލައިޓިންގް ސިސްޓަމް ގާއިމް ކޮށްދޭނެ ފަރާތެއް ހޯދުމަށް ކުރެވުނު އިއުލާނަށް ބިޑު ހުށަހަޅަން ޖެހޭ ވަގުތަކީ އެދުވަހުގެ 11:30 އެވެ. އަދި އަލިފުށި ދަނޑުގައި ރޮސްޓްރަމް ގާއިމު ކޮށްދޭނެ ފަރާތެއް ހޯދުމަށް ކުރެވުނު އިއުލާނަށް ބިޑު ހުށަހަޅަންޖެހެނީ އެދުވަހުގެ 12:00 ގައެވެ.
މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވާމެންޓުން އެކި ރަށްރަށުގައި ގިނަ މަޝްރޫއު ތަކެއް މިހާރުވެސް ކުރިއަށް ގެންދަމުން ދާކަން ފާހަގަ ކުރެވެއެވެ. އެގޮތުން ގިނަ ރަށްތަކެއްގެ ފުޓުބޯޅަ ދަނޑުގެ މަސައްކަތް މިހާރު ވެސް ދަނީ ކުރިއަށެވެ.
