މަކަރާއި ހީލަތުން ފައިސާ ހޯދި މައްސަލައެއްގައި އަންހެނަކާއި ދެ ފިރިހެނުން ހޯދަނީ
މަކަރާއި ހީލަތުން ފައިސާ ހޯދި މައްސަލައެއްގައި އަންހެނަކާއި ދެ ފިރިހެނުން ހޯދަން ފުލުހުން އިއުލާންކޮށްފި އެެވެ.
ފުލުހުން ބުނީ އެ ތިން މީހުން ހޯދަނީ ހުޅުމާލެ ފޭސް 2 ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށް ތިންމީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ކަމަށެވެ.
މި މައްސަލައިގެ ތަހުގީގަށް ސުވާލުކުރުމަށް ހޯދަމުން ދަނީ ޢަލީ ޝަރީފް / ހއ. ތުރާކުނު، އަސުރުމާގެ (25އ)، ޢަލީ ޝަމީމް / ލ. ގަން، މަތިމަރަދޫ، ނަޔާޗާންދު (37އ) އަދި ޢާއިޝަތު ނުހާ / އދ. ކުނބުރުދޫ، މާބަގީޗާގެ(24އ) އެވެ.
މި ތިން މީހުން ހާޒިރުވާން ޖެހެނީ ހުޅުމާލެ ފޭސް 2 ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 މެއި 21 ވަނަ ދުވަހުގެ 11:00 އަށް ކަމަށް ފުލުހުން ބުންޏެވެ.
Ads by STO
