ކާށި ބަސްތާއެއް ވަގަށްނެގި މީހަކު އަތުލައިގެންފި
ކާށި ބަސްތާއެއް ވަގަށް ނެގި މީހަކު 15 ދުވަހަށް ބަންދުކޮށްފިއެވެ.
ކްރިމިނަލް ކޯޓުން އާންމުކުރި ކޯޓު އަމުރެއްގައިވާ ގޮތުން މި ކަމެއް ހިނގީ މިއަދުއެވެ.
އެ މައްސަލާގައި ފުލުހުންގެ ބެލުމުގެ ދަށަށް ގެންދިޔައިރު، އެއީ 43 އަހަރުގެ ދިވެހި ފިިރިހެނެކެވެ. އަދި އެނާގެ މައްޗަށް ކޮށްފައިވަނީ، ވައްކަންކުރުމުގެ ދައުވާއެވެ.
ކްރިމިނަލް ކޯޓުގެ އަމުރުގައި ބުނީ، ފުލުހުން އޭނާ ހައްޔަރުކޮށްފައިވަނީ މ.ފޫސިޔާ ގޭގެ ގްރައުންޑް ފްލޯގައި ވައްކަންކުރަން އުޅުން މީހަކު ހިފަހައްޓާފައިވާ ކަމަށް ލިބުނު މައުލޫމާތަކާއި ގުޅިގެން އެގެއަށް ގޮސް ކަމަށެވެ.
އެގެއިން ފުލުހުންނާއި ދިމާވި މީހާ ހިއްސާކުރި މައުލޫމާތަށް ބަަލައި ފުލުހުން ކޯޓުގައި ބުނީ، އެގޭގައި ހުރި ކާށި ބަސްތާތަކެއްގެ ތެރެއިން ދެ ބަސްތާ ކާށި ކޮނޑަށް ލައިގެން ދެމީހަކު ދާން އުޅެނިކޮށް ސީސީޓީވީ ފޫޓޭޖުން ފެނުން ކަމަށެވެ.
އަދި ފެނުމުން އެކަކު ކާށި ބަސްތާ ބަހައްޓާފައި ފިލީ ކަމަށާއި، ދެވަނަ މީހާ އެތާ ހުރުމުން ސީނަށް ދިޔަ ފުލުހުން އޭނާ ހިފަހައްޓާފައިވާ ކަމަށް ފުލުހުންގެ ހާދިސާ ރިޕޯޓްގައި ބުނެފައިވެއެވެ.
Ads by STO
