އެޗްޑީސީއަށް އެކި ވިޔަފާރިތަކުން ދައްކަން ޖެހޭ ފައިސާގެ ތަފްސީލު ވެބްސައިޓުގައި ޝާއިއުކުރަނީ
އެޗްޑީސީއަށް އެކި ވިޔަފާރިތަކުން ދައްކަން ޖެހޭ ފައިސާގެ ތަފްސީލު ވެބްސައިޓުގައި ޝާއިއުކުރަން ނިންމައިފި އެވެ.
އެޗްޑީސީން މިއަދު ކުރި އިއުލާނެއްގައި ބުނީ އެ ކޯޕަރޭޝަންގެ ހިންގުން ހަރަދުނާ ކުރުމަށްޓަކައި ހާއްސަ އިސްކަމެއްދީގެން ކުރަމުންދާ މަސައްކަތުގެ ތެރެއިން، އެ ކޯޕަރޭޝަނަށް އެކި ވިޔަފާރިތަކުން ދައްކަން ޖެހި، ނުދައްކާ ހުރި ފައިސާތައް ހޯދުމަށްޓަކައި އަޅަން ޖެހޭ ފިޔަވަޅު އެޅުމަށް ނިންމާފައިވާ ކަމަަށެވެ.
އެ ގޮތުން އެ ކޯޕަރޭޝަނުން ވިޔަފާރި އުސޫލުން ދެމުން އަންނަ ހިދުމަތްތަކާއި، ދޫކޮށްފައިވާ ތަންތަނާއި، އަދި ތަރައްގީ ކުރަމުން އަންނަ ތަންތަނަށް ފައިސާ ދައްކަންޖެހި، ނުދައްކާ ހުރި ފަރާތްތަކުން، މިއަދުން ފެށިގެން އަންނަ މަހުގެ 30 ފައިސާ ދައްކައި ނިންމުމަށް ވަނީ އަންގައިފަ އެވެ.
ނަމަވެސް އެ މުއްދަތުގެ ތެރޭގައ ފައިސާ ނުދައްކާ ވިޔަފާރިތަކަށް އިތުރު ނޯޓިސްއެއް ދިނުމަށް ފަހު އެ ފަރާތްތަކުގެ މައުލޫމާތާއި ދައްކަންޖެހޭ ފައިސާގެ ތަފްސީލުތައް އެޗްޑީސީގެ ވެބްސައިޓުގައި ޝާއިއުކުރާނެ ކަމަށް ބުނެފައިވެ އެވެ.
އަނެއކާވެސް އާބަންކޯ އައް ނަން ބަދަލުކުރަންވީނުދޯ