ޕޮލިހަކަށް ވެގެން މި ދިޔަ ތިން އަހަރު ދުވަހު އެތައް ލައްކަ ރުޕީސް ފޭރުނު މީހަކު އަތުލައިގެންފި
އިންޑިއާ: ޕޮލިހަކަށް ވެގެން ފާއިތުވެދިޔަ ތިން އަހަރު ފޭރުނު މީހަކު ގުޖުރާތު ފުލުހުން އަތުލައިގެންފިއެވެ.
އިންޑިއާގެ މީޑިއާތަކުން ބުނެފައި ވަނީ ކްރިތު އަމިން ކިޔާ މީހަކު ޕޮލިހަކަށް ހެދިގެން ގުޖްރާތުގެ 35 ތަނަކުން ފޭރިފައިވާ ކަމަށެވެ.
އަމިން ވަނީ ފާއިތުވެދިޔަ 3 އަހަރު ދުވަހުގެ ތެރޭގައި 1.30 ކުރޯޑް ރުޕީސްގެ ފައިސާ އާއި މުދާ ފޭރިގެންފައެވެ. އަދި އޭނާއާއެކު މި ފޭރުން ތަކުގައި ބައިވެރިވެފައި ވާތީ އިތުރު 5 މީހުން ވެސް ވަނީ ހައްޔަރު ކޮށްފައެވެ. އޭގެ ތެރޭގައި އޭނާގެ އަންހެނުން ވެސް ހިމެނެއެވެ.
އަމިން ވަނީ އޭނާއަކީ ޕޮލިހުގެ ސަބް އިންސްޕެކްޓަރެއް ކަމުގައި ބުނެ އޭނާގެ ޕޮލިސް ކާޑު ވެސް ދައްކާފަައެވެ. ނަމަވެސް އެ ކާޑަކީ ފޭކު ކާޑެއްކަން ފަހުން ފުލުހުންނަށް އެނގި އެކަމާ ސުވާލު ކުރިއެވެ.
ތަހުގީގުގެ މަރުހަލާގައި އަމިން ބުނެފައިވަނީ އޭނާ މީހުންގެ ގާތުގައި ހެޔޮ އަގުގައި ރަނާ އެއްޗިހި ހޯދައިދޭނެ ކަމަށް ބުނެ އޮޅުވާލާ ކަމަށާއި އަދި އޭގެ ފަހުން ޕޮލިހެއްގެ ގޮތުގައި ގޮސް ރުފިޔާތައް ގެންދާ ކަމަށެވެ.
