ކުޑަކުއްޖަކަށް ޖިންސީ ފުރައްސާރަ ކުރިކަމުގެ ތުހުމަތުގައި ފޮނަދޫން މީހަކު ހައްޔަރުކޮށްފި
ކުޑަކުއްޖަކަށް ޖިންސީ ފުރައްސާރަ ކުރިކަމުގެ ތުހުމަތުގައި ލ. ފޮނަދޫ އިން މީހަކު ހައްޔަރު ކޮށްފިއެވެ.
"ދެން" އަށް މައުލޫމާތު ލިބިފައިވާ ގޮތުގައި މިމައްސަލައިގައި ހައްޔަރު ކޮށްފައިވަނީ އުމުރުން 35 އަހަރުގެ ދިވެހި ފިިރިހެނެކެވެ. އޭނާ ޖިންސީ ފުރައްސާރަ ކޮށްފައިވަނީ 14 އަހަރުގެ ކުޑަ އަންހެން ކުއްޖަކަށެވެ.
ފުލުހުންގެ މީޑިއާ އޮފިޝަލަކު ވިދާޅުވީ ސައުތު ސެންޓްރަލް ޕޮލިސް ޑިވިޝަން (ތ. ލ) ހިމެނޭ އަތޮޅުގެ ރަށެއްގައި، އެކި ދުވަސް މަތިން 14 އަހަރުގެ އަންހެން ކުއްޖަކު ގްރޫމްކޮށް ޖިންސީ ޢަމަލު ހިންގުމަށް ހިތްވަރުދީ، ޖިންސީ ގުޅުން ހިންގަން އުޅުނުކަމުގެ ކަމުގެ މައްސަލައެއް 30 ސެޕްޓެމްބަރ 2020 ވަނަ ދުވަހު ފުލުހުންނަަށް ހުށަހަޅާފައިވާ ކަމަށެވެ.
މިމައްސަލައާއި ގުޅިގެން ކޯޓު އަމުރެއްގެ ދަށުން 5 އޮކްޓޯވަރ 2020 ވަނަ ދުވަހު 35 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމަށް ވެސް ފުލުހުން ވިދާޅުވެފައި ވެއެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
ކުޑަކުދިންނާއި ގުޅޭ މައްސަލަތަކަކީ ސީރިއަސް މައްސަލަ ތަކަކަށްވާތީ، ކުއްޖާގެ ވަނަވަރު ރައްކާތެރިކުރުމުގެ ގޮތުން ފުލުހުން އެކުއްޖާ މައުލޫމާތެއް އަދި މައްސަލަ ހުށަހެޅޭ އަތޮޅާއި ރަށް ވެސް ހާމައެއް ނުކުރައްވައެވެ.
