ޓެރަރިސްޓު ޖަމާޢަތްތަކުގެ ތަސައްވަރަކީ ރާއްޖެ ހިފުން: ރައީސް ނަޝީދު
ދީނީ ގޮތުން ޙައްދު ފަހަނަ އަޅާފައިވާ ޓެރަރިސްޓު ޖަމާޢަތުގެ ތަސައްވަރަކީ މިދިވެހި ރާއްޖެ އެކަހެރިކޮށް، ރާއްޖެ ހިފުން ކަމުގައި ރައްޔިތުންގެ ކުރީގެ ރައީސް އަދި މިހާރުގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އިންޑިއާ ސަރުކާރާއެކު ވެފައިވާ ހުރިހާ އެއްބަސްވުންތަކުގެ ތަފްސީލް ހާމަކުރުމަށް ގޮވާލާ ނައިފަރު ދާއިރާގެ މެމްބަރު އަހުމަދު ޝިޔާމް ހުށަހެޅި މައްސަލަ ބަލައި ނުގަނެވޭނެ ކަމަށް ވިދާޅުވެ ދެއްކެވި ވާހަކަފުޅުގައި ރައީސް ނަޝީދު ވިދާޅުވީ ދީނީ ގޮތުން ހައްދުފަހަނަ އަޅާފައިވާ ބަޔަކު ރާއްޖޭގައި ކެމްޕޭނެއް އެބަ ހިންގާ ކަމަށާއި އޭގެ ބޭނުމަކީ ރާއްޖެ ބައިނަލްއަގްވާމީ ދުނިޔެއާ އެކަހެރިކުރުން ކަމަށެވެ. އަދި އެއީ އެ މީހުންގެ ކެމްޕެއިންގެ ފުރަތަމަ މަރުހަލާ ކަމަށް ވެސް ރައީސް ނަޝީދު ވިދާޅުވިއެވެ.
"އަޅުގަނޑު މި ދަންނަވަނީ އައިއެސް ޖަމާއަތާ އަލްގައިދާ ޖަމާއަތުގެ ވާހަކަ. އެ މީހުންގެ ތަސައްވަރެއް އެބަވޭ ރާއްޖެ ހިފުމުގެ. ރާއްޖެ އެކަހެރި ކުރުމަށް އެބަ މަސައްކަތް ކުރޭ ބައިނަލްއަގްވާމީ އާއިލާއިން. އެ މަސައްކަތުގައި އަޅުގަނޑުމެން އިހްތިރާމް ކުރާ ގަދަރުކުރާ ސިޔާސީ ބައެއް ޕާޓީތައް ހިމެނިފައިވާތީ ހިތާމަކުރަން." ރައީސް ނަޝީދު ވިދާޅުވިއެވެ.
ކަލޭގ ހަސަދަވެރ ކަމުން މިގައުމު ހަލާކު ވެގެންމިދަނީ މީގެކުރިން މީއެބާވަންތ ބަޔ