ކޮވިޑް-19: ހޯރަފުށިން ދެ އަހަރުގެ ތުއްތު ކުއްޖަކާއި، އެކުއްޖާގެ މަންމަ ފައްސިވެއްޖެ
ހއ. ހޯރަފުށިން އުމުރުން ދެ އަހަރުގެ ތުއްތު ކުއްޖަކާއި، ކުއްޖާގެ މަންމަ ކޮވިޑް-19 އަށް ފައްސި ވެއްޖެއެވެ.
ހޯރަފުށިން ކޮވިޑަށް ފައްސި ދެ ވޭދަނަ ފެނިފައިވާކަން އެރަށު ސިއްޙީ މަރުކަޒު ހިންގުމާއި ހަވާލުވެ ހުންނެވި އާފިޤް މުޙައްމަދު ވަނީ "ދެން" އަށް ކަށަވަރު ކޮށްދެއްވާފައެވެ.
"ދެން" އަށް މައުލޫމާތު ދެއްވަމުން އާފިގް ވިދާޅުވީ ކޮވިޑަށް ފައްސިވެފައިވަނީ އެރަށުގައި ކަރަންޓީނުގައި ހުރި އުމުރުން 30 އަހަރުގެ އަންހެނަކާއި އޭނާގެ ދެ އަހަރުގެ ދަރިފުޅު ކަމަށެވެ.
އެދެމައިން ކޮވިޑަށް ފައްސިކަން އެނގިފައިވަނީ ކަރަންޓީނުގެ މުއްދަތު ހަމަވުމުން ހެދި ޓެސްޓުގެ ނަތީޖާއިން މިއަދުއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ސާވެލެންސް ޑޭޓާއަށް ބަލާއިރު މީގެ ކުރިން އެރަށުން މިބައްޔަށް ފައްސި ވެފައި ވަނީ ތިން ބިދޭސީންނެވެ.
މިހާތަނަށް ރާއްޖެއިން ކޮވިޑް-19 އަށް ޖުމްލަ 10،808 މީހުން ވަނީ ފައްސިވެފައެވެ. އަދި މިބަލިން ރަނގަޅުވީ މީހުންގެ އަދަދު މިހާރު ވަނީ 9،654 އަށް އަރާފައެވެ.
Ads by STO
