ކޮވިޑް-19: އިތުރު މީހަކު ރާއްޖެއިން ނިޔާވެއްޖެ
ރާއްޖެއިން ކޮވިޑް-19 ޖެހުނު އަންހެނަކު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފައި ވަނީ ކޮވިޑް-19 އަށް ފައްސިވެ ފަރުވާ ހޯދަމުންދިޔަ އުމުރުން 56 އަހަރުގެ އަންހެނަކު މިއަދު މެންދުރުފަހު ނިޔާވެއްޖެ ކަމަށެވެ.
ނިޔާވެފައި ވަނީ ދަރުމަވަންތަ ހޮސްޕިޓަލުގެ 11 ވަނަ ފަންގިފިލާގައި ބައްޔަށް ފަރުވާ ހޯދަމުން ދިޔަ މީހެއް ކަމަށް ވެސް އެޗްޕީއޭ އިން ބުނެފައިވެއެވެ. އޭނާ ނިޔާވީ 14:20 ގައެވެ.
މިއީ ރާއްޖެއިން މިބަލީގައި ނިޔާވި 35 ވަނަ މީހާއެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
އެންމެ ފަހުގެ އަޕްޑޭޓަށް ބަލާއިރު މިހާތަނަށް ރާއްޖެއިން ކޮވިޑް-19 އަށް ޖުމްލަ 10،859 މީހުން ވަނީ ފައްސި ވެފައެވެ. ބަލިން ރަނގަޅުވީ މީހުންގެ ޖުމްލަ އަދަދު މިހާރު 9،683 އަށް އަރާފައިވާއިރު މިބަލީގައި ނިޔާވެފައި މިހާރު ވަނީ 35 މީހުންނެވެ.
