ކޮވިޑް-19: އެމެރިކާއިން ރެކޯޑު އަދަދަކަށް މީހުން ފައްސިވެއްޖެ

އެމެރިކާއިން ކޯވިޑް-19 އަށް ރެކޯޑް އަދަދަކަށް މީހުން ފައްސިވެއްޖެ އެވެ.
ކޮވިޑް-19 ގެ ބަލިމަޑުކަމުގެ ނުރައްކާ އެންމެ ބޮޑުވެފައިވާ އެމެރިކާއިން މިހާތަނަށް ޖުމްލަ 9,212,767 މީހުންނަށް ބަލި ޖެހިފައިވެއެވެ.
އެގޮތުން އިއްޔެ އެކަނި ވެސް އެމެރިކާއިން އަލަށް 91,530 މީހަކު ފައްސިވެފައި ވެއެވެ. މިއީ މިހާތަނަށް އެއް ދުވަހެއްގައި އެންމެ ގިނަ ބަޔަކު ފައްސިވީ ކަމަށް ރެކޯޑް ކުރެވުނު ފަހަރެވެ.
އެ ޤައުމުގައި 2.9 މިލިއަން މީހުންނަށް މިވަގުތު މި ބައްޔަށް ފަރުވާދެމުން ދާއިރު 5.9 މިލިއަން މީހުން ބަލިން ރަނގަޅުވެފައި ވެއެވެ.
އެމެރިކާއަކީ ދުނިޔޭގެ ނިސްބަތުން ބަލާއިރު ވެސް އެންމެ ގިނަ ބަޔަކު ފައްސިވެ، މި ބަލީގައި އެންމެ ގިނަ ބަޔަކު މަރުވެފައިވާ ޤައުމެވެ. ކޮވިޑް-19 ޖެހިގެން އެންމެ ގިނަ ބަޔަކަށް ސީރިއަސް ހާލުގައި ފަރުވާ ދެމުންދަނީ ވެސް އެމެރިކާގައެވެ.
އަދި މިވަގުތު އެޤައުމުގައި ސީރިޔަސް ހާލުގައި ފަރުވާދެމުން ގެންދާ މީހުން ގިނަ ކަމަށް އިދާރާތަކުން ބުނެއެވެ.