އިންޑިއާގައި 60 އަހަރުގެ ފިރިހެނަކު އުމުރުން 16 އަހަރުގެ ކުޑަ އަންހެން ކުއްޖަކު ރޭޕްކޮށްފި
ނިއު ދިއްލީ: އުމުރުން 60 އަހަރުގެ ފިރިހެނަކު 16 އަހަރުގެ ކުޑަ އަންހެން ކުއްޖަކު ރޭޕްކޮށް، ބަލިވެ ބޭންދިކަމުގެ މައްސަލައެއް ފެންމަތި ވެއްޖެއެވެ.
ފުލުހުން މިދިޔަ ބުދަ ދުވަހު ބުނެފައި ވަނީ އަންހެން ކުއްޖާ ރޭޕްކުރިކަން ފުލުހުންގެ ސަމާލުކަމަށް ގެނެސްފައި ވަނީ، އެކުއްޖާ ދިރިއުޅޭ ގޭގެ ޓެރަސް މަތީގައި ވިހެއުމުން ކަމަށެވެ.
އޮޖްޓޯބަރު މަހުގެ 31 ވަަނަ ދުވަހު ފުލުހުންނަށް މީހަކު ގުޅާފައި، ތުއްތުކުއްޖަކު މަގެއްގެ މައްޗަށް އެއްލާލާފައި އޮތްކަމަށް ބުނެ ރިޕޯޓުކުރި ކަމަށް ދިއްލީ ފުލުހުން ބުނެފައިވެއެވެ.
ފުލުހުން އެތަނަށް ގޮސް ފޮތިގަނޑެއްގައި އޮޅާފައި އޮތް އެކުއްޖާއާއި ހަވާލުވިއެވެ. ފަހުން ސީސީޓީވީ ފުޓެޖް ބެލުމުން، ކުޑަ އަންހެން ކުއްޖަކު އެތުއްތު ކުއްޖާ ގޮވައިގެން އެހިސާބުގައި އުޅުނު މަންޒަރު ވަނީ ފެނިފައެވެ.
ފުލުހުންގެ ތަހުގީގުން އެއަންހެން ކުއްޖާ ހޯދި ކަމަށާއި، ބަޔާން ނެގިއިރު އޭނާ ބުނީ މީގެ ނުވަ ވަރަކަށް މަސް ކުރިން 60 އަހަރުގެ މީހަކު އޭނާ ރޭޕް ކުރި ކަމަށެވެ. މިވާހަކަ އޭނަގެ މަންމައަށް ވެސް ސިއްރުކުރި ކަމަށް އޭނާ ބުނެފައިވެއެވެ.
އަންހެން ކުއްޖާ ދިރިއުޅެނީ އޭނަގެ މަންމަ ކައިރީގައި އެކަންޏެވެ.
މިމައްސަލައިގައި ފުލުހުން މިހާރު ވަނީ އެމީހާ ވެސް ހައްޔަރު ކޮށްފައެވެ.
Ads by STO
