ކޮވިޑް-19 ޖެހިގެން އިތުރު ދިވެއްސަކު ނިޔާވެއްޖެ

މުޅި ދުނިޔޭގައި ހަލުވިކަމާއެކު ފެތުރެމުންދާ ކޮވިޑް19 ޖެހިގެން އިތުރު ދިވެއްސަކު ނިޔާވެއްޖެއެވެ.

Ads by Hajj Corporation

މިއީ މި ބަލީގައި ރާއްޖެއިން ނިޔާވި 42 ވަނަ މީހާއެވެ. މި ބަލީގައި ރާއްޖެއިން 8 ބިދޭސީން ނިޔާވެފައިވާއިރު މިއީ މިބަލީގައި ނިޔާވި 34 ވަނަ ދިވެއްސެވެ. ކޮވިޑް-19 ޖެހިގެން ނިޔާވީ ނ.ހޮޅުދޫގެ ރައްޔިތެއް ކަމަށް “ދެން” އަށް ވަނީ ކަށަވަރު ވެފައެވެ.

ނިޔާވެފައިވަނީ ހުޅުމާލޭ ކޮވިޑް-19 ފެސިލިޓީގައި ފަރުވާ ދެމުންދިޔަ 58 އަހަރުގެ ފިރިހެނެކެވެ.

މިއީ މި މަސް ތެރޭގައި ރާއްޖެއިން ނިޔާވި 4 ވަނަ މީހާއެވެ. އެގޮތުން އިތުރު ތިން ދިވެއްސަކާއި ބަންގްލަދޭޝްގެ މީހަކު ވަނީ ނިޔާވެފައެވެ.

ރާއްޖެއިން 12،112 މީހަކު ކޮވިޑް-19 އަށް ފައްސިވެފައިވާއިރު މި ބައްޔަށް މިހާރު ފަރުވާ ދެމުންދާ މީހުންގެ އަދަދަކީ 821 މީހުންނެވެ. މީގެ ތެރެއިން 51 މީހަކަށް ހޮސްޕިޓަލުގައި ފަރުވާ ދެމުން އެބަ ދެއެވެ.