ކޮވިޑް-19: ރާއްޖެއިން އިތުރު މީހަކު ނިޔާވެއްޖެ

ރާއްޖޭގައި ވެސް ފެތުރެމުން އަންނަ ކޮވިޑް-19އަށް ފައްސިވީ އިތުރު މީހަކު މިއަދު ނިޔާވެއްޖެއެވެ.

Ads by MWSC

ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނީ މިއަދު އިރުއޮއްސި 6:36 ގައި އައިޖީއެމްއެޗްގެ އެމަޖަންސީ ރޫމަށް ގެންދިޔަ އުމުރުން 72 އަހަރުގެ ދިވެހި ފިރިހެނަކު، ހޮސްޕިޓަލަށް ގެންދިޔައިރު އެއްވެސް ހަރަކާތެއް ނުކުރާ ކަމަށާއި، އޭނާ ނިޔާވެފައިވާ ކަމަށެވެ.

އެމީހާ ކޮވިޑް-19 އަށް ޓެސްޓު ކުރުމުން ނަތީޖާ ފައްސި ވެފައިވާ ކަމަށާއި މިއީ ރާއްޖެއިން މިބަލީގައި ނިޔާވި 45 ވަނަ މީހާ ކަމަށް ވެސް އެޗްއީއޯސީން މައުލޫމާތު ދީފައިވެއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون