ރައީސް ޔާމީން އެކަހެރިކޮށްފައިވަނީ ހޯއްދަވާނެ ކާމިޔާބީއަކަށް ޖެހިލުން ވެގެން: ޣައްސާން
މަނީލޯންޑަރިންގެ ކުށް ސާބިތުވާ ކަމަށް ކަނޑައަޅާ، 5 އަހަރު ދުވަހަށް ޖަލަށްލުމަށް ޙުކުމްކޮށްފައިވާ، ކުރީގެ ރައީސް ރައީސް އަބްދުﷲ ޔާމީން އަބްދުލްގައްޔޫމް ޖަލަށް ލައި އެކަހެރި ކޮށްފައިވަނީ، އެމަނިކުފާނު ހޯއްދަވާނެ ކާމިޔާބީއަކަށް ޖެހިލުންވެގެން ކަމުގައި ރައީސް މައުމޫންގެ ދަރިކަލުން އަދި ޕީޕީއެމްގެ ނައިބު ރައީސް ޣައްސާން މައުމޫން ވިދާޅުވެއްޖެއެވެ.
ރައީސް ޔާމީން ޖަލުގައި ހުންނަވާތާ އެއް އަހަރުވުމާ ގުޅިގެން ޣައްސާން މިއަދު ކުރެއްވި ޓްވީޓުގައި ވަނީ ރައީސް ޔާމީނަށް ނުހައްގުން ދެމުން ދާ އަނިޔާ ހުއްޓާލާ، އެމަނިކުފާނު މިނިވަން ކުރުމަށް ގޮވާލާފައެވެ.
"އެމަނިކުފާނު އެކަހެރިކޮށްފައިވަނީ ހަމަ ސިޔާސީ މައިދާނެއްގައި ރައީސް ޔާމީން ހޯއްދަވާނެ ކަން ކަށަވަރުވާ ކާމީޔާބީއަށް ވާ ޖެހިލުމަކުން. މެކުނަށް ގާހަކައިގެ ހަސަދަ ބޮޑުކަމުން" ތ.ގުރައިދޫ ދާއިރާ މެމްބަރުކަން ވެސް ކުރައްވަމުން އަންނަ ޣައްސާންގެ ޓްވީޓުގައި ވިދާޅުވިއެވެ.
ރައީސް މައުމޫންގެ އެހެން ދަރިކަލުންނާއި ދަރިކަނބަލުންނާ ޚިލާފަށް ޣައްސާން އަބަދުވެސް ފާހަގަ ވަނީ ބޮޑުބޭބޭފުޅު ޔާމީނަށް ތާއީދު ކުރައްވާ ބޭފުޅެއްގެ ގޮތުގައެވެ.
ރައީސް ޔާމީން ޖަލަށް ލިތާ އެއް އަހަރުވުމާ ގުޅިގެން އިދިކޮޅު ގިނަ ބަޔަކު އަންނަނީ ރައީސް ޔާމީން މިނިވަން ކުރުމަށް ގޮވާލަމުންނެވެ. އިދިކޮޅުން ވަނީ ރައީސް ޔާމީނު މިނިވަން ކުރުމަށް ގޮވާލާ ކަނޑުމަތީގައި އިހުތިޖާޖެއް ވެސް ފަށާފައެވެ.
ތި ބުނީ ވަރަށް ރަނގަޅު ވާހަކައެއް. އެކަހެރި ކޮށްފައިވަނީ ދަޢުލަތް ދަވާލައިގެން ހޯދަފާނެ ކާމިޔާބީއަކަށް ބިރުން.
މިހާރު ދައުލަތް ނުދަވާތަ، 2 އަހަރު ވީއިރު ތޮށިގަޑު އޮތީ
އެކަލޭގެ ހުރިނަމަ ތޮށިގަނޑުވެސް ނޯންނާނެ.