34.9 ބިލިއަން ރުފިޔާގެ ބަޖެޓު މަޖިލިހުން ފާސްކޮށްފި
އަންނަ އަހަރަށް ލަފާކޮށް 34.9 މިލިއަން ރުފިޔާގެ ބޮޑު ބަޖެޓު ރައްޔިތުންގެ މަހިލީހުން ފާސް ކޮށްފިއެވެ.
މިބަޖެޓު ފާސް ކުރަން ނުފެންނަ ކަމަށް ވޯޓު ދެއްވާފައިވަނީ ކާށިދޫ ދާއިރާގެ މެންބަރު ޢަބްދުﷲ ޖާބިރު އެކަންޏެވެ. ބަޖެޓު ފާސް ކުރަން ވޯޓު ދެއްވީ މަޖިލިހަށް ހާޒިރުވެ ތިއްބެވި މެންބަރުންގެ ތެރެއިން 68 މެންބަރުންނެވެ.
އަންނަ އަހަރަށް ލަފާކުރާ ދައުލަތުގެ ބަޖެޓުގެ ގޮތުގައި ސަރުކާރުން މަޖިލީހަށް ހުށަހެޅީ 34.79 ބިލިއަން ރުފިޔާގެ ބަޖެޓެކެވެ. އާމްދަނީ އާއި ހިލޭ އެހީގެ ގޮތުގައި ލިބޭނެ ކަމަށް ލަފާކޮށްފައި ވަނީ 17.79 ބިލިއަން ރުފިޔާ އެވެ. އެހެން ކަމުން، މިއީ 15.50 ބިލިއަން ރުފިޔާގެ ޑެފިސިޓް ނުވަތަ ދަރަނި ބަޖެޓެކެވެ.
އަންނަ އަހަރަށް ލަފާ ކުރާ ބަޖެޓު މިއަދު ފާސް ކޮށްފައިވީ ނަމަވެސް ބަޖެޓު ދިރާސާކުރާ ކޮމެޓީން ވަނީ ޕީއެސްއައިޕީ މަޝްރޫއުތަކަށް ބަޖެޓުގައި ކަނޑައަޅާފައިވާ ފައިސާއަށާއި ދައުލަތުގެ އޮފީސްތަކުގެ ބަޖެޓަށް އުނި އިތުރު ގެނެސްފައެވެ. އަދި އާމްދަނީ ހޯދަން އިތުރުކުރާ ކަންކަމާއެކު އާމްދަނީ އާއި ހިލޭ އެހީގެ ގޮތުގައި 21 ބިލިއަން ރުފިޔާ ލިބޭނެ ކަމަށް ވެސް ލަފާ ކޮށްފައިވެއެވެ.
އަންނަ އަހަރަށް ލަފާ ކޮށްފައިވާ ބަޖެޓު ބަޖެޓު ދިރާސާ ކުރާ ކޮމިޓީން ފާސްކޮށްފައި ވަނީ 130 މިލިއަން ރުފިޔާ އެބަޖެޓަށް އިތުރު ކުރުމަށްފަހުއެވެ.
