ވާން އުޅޭ އަނބިމީހާ ކޮވިޑް-19 އަށް ފައްސިވުމުން ވެސް ފަހަތަށް ނުޖެހުނު، ކައިވެނި ކުރީ ޕީޕީއީ ގައި
ކޮވިޑް-19 އާ ގުޅިގެން ގިނަ ބައެއްގެ ދިރިއުޅުމަށް ވަނީ ބޮޑެތި ބަދަލުތަކެއް އައިސްފައެވެ. ކައިވެންޏަށް ތައްޔާރުވަމުން އައި ގިނަ ބައެއްގެ ކައިވެނި ފަސްކުރަން ޖެހި، ގިނަ ހިތާމަވެރި ހާދިސާތަކެއް ވެސް ވަނީ ހިނގާފައެވެ.
ނަމަވެސް މި ހައްސާސް ދަނޑިވަޅުގައި ވެސް އިންޑިއާގެ ޖޯޑަކުން ވަނީ ކޮވިޑް-19 އަށް އެމީހުންގެ ލޯތްބަށް ހުރަސް ނޭޅޭނެކަން ހާމަކޮށްދީފައެވެ. އަދި ކޮވިޑްއާ ގުޅިގެން ކައިވެންޏަށް ދެކެމުން އައި ހުވަފެންތައް މިޖޯޑު ވަނީ ފަސްޖެހުމެއް ނެތި ހަގީގަތަކަށް ހަދާފައެވެ.
ކެރެލާގައި ކައިވެނި ކުރި މި ޖޯޑު ކައިވެނިކޮށްފައި ވަނީ ކޮވިޑް ފެސިލިޓީއެއްގައި ޕީޕީއީ ކިޓު ލައިގެންނެވެ. ކައިވެންޏަށް ދުވަސް ކައިރިވެފައި ވަނިކޮށް ވާން އުޅުނު އަނބިމީހާ ކޮވިޑަށް ފައްސިވުމުން، ކައިވެނި ކުރަން ހަމަޖެހުނު ދުވަހު މި ދެމީހުން ކައިވެނި ކުރީ ރައްކާތެރިކަމުގެ ފިޔަވަޅުތައް އަޅައިގެންނެވެ.
ގިނަ ބައެއްގެ ސަމާލުކަން މި ކައިވެންޏަށް ލިބިފައިވާއިރު، ކައިވެނީގެ ވީޑިއޯތަކާއި ފޮޓޯތައް ދަނީ މީސް މީޑިއާގައި އާންމުވަމުންނެވެ. ވީޑިއޯއިން ފެންނަ ގޮތުގައި ހުރިހާ މީހުން ވެސް ތިބީ ޕީޕީއީ ލައި ރައްކާތެރިވެގެންނެވެ.
އިންޑިއާގެ ރާޖަސްތާނުގައި ކޮވިޑް-19 ހަލުވިކަމާއެކު ފެތުރެމުން އަންނާތީ، އެ ސްޓޭޓުގެ ލޮކްޑައުން ވަނީ މި އަހަރުގެ ނިޔަލަށް ދަންމާލާފައެވެ.
Ads by STO
