ލަންކާއަކީ ރާއްޖޭގެ އެކުވެރިއެއް، ދެބެންގެ ދެދަރި ޤައުމެއް: ރައީސް ނަޝީދު
އަވަށްޓެރި ޝްރީލަންކާއަކީ ދިވެހި ރާއްޖޭގެ އެކުވެރި ޤައުމެއް ކަމަށާއި ލަންކާއަކީ ރާއްޖޭގެ ދެބެންގެ ދެދަރި ޤައުމެއް ކަމަށް ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ޝްރީލަންކާ އާއި ރާއްޖެއާއި ދެމެދު އޮންނަ ގާތްކަން އަންގަވާދެއްވަމުން، ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ ލަންކާގައި މަރުވާ މުސްލިމުން ރާއްޖޭގައި ވަޅުލުމާމެދު ދެ ޤައުމުން ވެސް މަޝްވަރާ ކުރެއްވުމަށް މަސައްކަތް ކުރާކަމީ ރަނގަޅު ކަމެއް ކަމަށެވެ.
ރައީސް ނަޝީދު ވިދާޅުވީ ޝްރީލަންކާ އަކީ ރާއްޖޭގެ އެކުވެރި ޤައުމެއް ކަމަށާއި ރާއްޖެއާއި ދެބެންގެދެދަރި ގުޅުމެއް އޮންނަފަދަ ޤައުމެއް ކަމަށެވެ. އެހެންކަމުން ބަލިމަޑުކަމުގައާއި ހެޔޮހާލުގައި ވެސް ދެ ޤައުމުވެސް ވާނީ އެކުއެކީގައި ކަމަށް ރައީސް ނަޝީދު ވިދާޅުވެފައިވެއެވެ.
"ލަންކާގެ މުސްލިމުން ރާއްޖޭގައި ވަޅުލެވިދާނެ. ލަންކާގައި މަރުވާ ދިވެހީން ވަޅުލުމަށް ވެސް ޚާއްސަ ބިމެއްވޭ. ރާއްޖޭގެ ހަތަރު ޖެނެރޭޝަނެއްގެ ލީޑަރުން ލަންކާގެ ޖަވަތަ މިސްކިތުގައި ވެއްޖެ" ރައީސް ނަޝީދު ވިދާޅުވިއެވެ.
ކޮވިޑް-19 ޖެހިގެން ޝްރީލަންކާ ގައި މަރުވާ މުސްލިމުން ރާއްޖޭގައި ވަޅުލުމާމެދު އެއްބަޔަކު ތާއީދު ކުރައްވަވާއިރު، އަނެއްބަޔަކު އަންނަނީ މިކަމާ ދެކޮޅު ހައްދަވަމުންނެވެ. އެގޮތުން ފާހަގަ ކޮށްލެވޭ އެއް ބޭފުޅަކީ ކުރީގެ ރައީސް އަދި އެމްއާރްއެމްގެ ލީޑަރު މައުމޫން ޢަބްދުލްޤައްޔޫމެވެ. އެމަނިކުފާނު ވަނީ އެކަމާ ދެކޮޅުކަން ފާޅުގައި ހާމަ ކުރައްވާ ، ލަންކާގައި މަރުވާ މުސްލިމުން ރާއްޖޭގައި ވަޅުލުމުގެ ބަދަލުގައި އެޤައުމުގައި އަންދާ ނުލަން ދެންނެވުމަށް އިރުޝާދު ދެއްވަވާފައެވެ.
ލަންކާއަކީ ރާއްޖޭގެ އެކުވެރިއެއް، ދެބެންގެ ދެދަރި އެމް ބީ އޭ އާއި ސުޕުން
ނަޝީދު ދައްކާ ބޭކާރު ވާހަކަ ހަބަރެއްގެ ގޮތުގަ ނުލިޔެބާ ޕްލީޒް. ޕްރިޓީ ޕްލީޒް!