މި އޮތް ހުރިހާ ދުވަހު ބޭސް މަލަން ތިޔަ އަޅަނީ ނުބައިކޮށް!
ބޭސް މަލަމަކީ ތަނެއް ހަލާކު ވުމުން އެތަނެއް ފަސޭހަ ކުރުމަށް ޓަކައި އަޅާ އެއްޗެކެވެ. އާންމުކޮށް ބޭސް މަލަން އަޅަނީ އަތުގެ އިނގިލީގެ ކޮންމެވެސް ތަނެއް ހަލާކު ވެގެންނެވެ. އެހެން ނަމަވެސް ސުވާލަކީ ބޭސް މަލަން ތިޔަ އަޅަނީ އަޅަން ޖެހޭ ގޮތަށް ބާވައެވެ؟
ބޭސް މަލަން އަޅައިގެން އެ މަލަންގަނޑު މާ ގިނަ ދުވަސްތަކެއް ނުވަތަ މާ ގިނަ އިރުތަކެއް ނުވެ ނައްޓާ ދޯއެވެ؟ ނޫނީ ބޭސް މަލަންގަނޑު އެޅޭ ގޮތަކުން އިނގިލި ލަންބާ ނުލެވިގެން އުޅެން ދޯއެވެ؟ މިކަމަށް ހައްލު ހޯދުމަށް މިފަދައިން ކަންތައް ކޮށްލާށެވެ.
ބޭސް މަލަން އެޅުމުގައި ދެގޮތެއް އެބަ އޮތެވެ. ފުރަތަމަ ގޮތަކީ އިނގިލީގެ ކޮޅު ކަނޑައިގެން ދިއުމުން ބޭސް މަލަން އަޅަން ޖެހޭ ގޮތެވެ. އިނގިއްޔެއްގެ ކޮޅު ކަނޑައިގެން ގޮސްފިނަމަ ބޭސް މަލަން އަޅައިގެން އުޅުމަކީ އުނދަގޫ ކަމެކެވެ. ސަބަބަކީ އެ ބޭސް މަލަން ގަނޑު އޮންނަ ބައްޓަމުންނެވެ. ނަމަވެސް ކަތުރަކުން ބޭސް މަލަމުގެ ތަތް ކުރާ ދެ ފަޅި ވެސް ދިގަށް ވާ ގޮތަށް މެދުން ކަފާލާށެވެ. ކަފާލާ އިރުގައި ކަފާލާނީ މަލަމުގެ ބޭސްގަނޑާ ހަމައަށެވެ.
އެއަށްފަހު ކަނޑައިގެން ގޮސްފައިވާ ފާރުގަނޑުގައި މަލަމުގެ ބޭސްގަނޑު ޖެއްސުމަށް ފަހު މަލަމުގެ ދިގަށް ދެފަޅިއަށް ކަފައިލެވިފައިވާ ދެފަށް އެކަތި އަނެކަތި މައްޗަށް (ކްރޮސް) ވާ ގޮތަށް ހިއްޕާލާށެެވެ. އޭރުން އިނގިލީގައި ބޭސް މަލަން ގަނޑު ރީއްޗަށް ތަތްވެފައި ވެސް ހުންނާނެއެވެ. އަދި ގިނަ އިރުވަންދެން އެއްވެސް އުނދަގުލެއް ނެތި މަލަން ގަނޑު ހުންނާނެއެވެ.
އަނެއް ގޮތަކީ ވެސް ހަމަ މިފަދައިން މަލަން ގަނޑު ގެ ތަތްކުރާ ބައި ކަފާލުމެެވެ. އެހެން ނަމަވެސް މި ގޮތް ރަނގަޅު ވާނީ އިނގިލީގެ ކޮޅު ފިޔަވާ ބާކީ އޮތް ބައިގައި ތަތްކުރުމަށެވެ. ހަމަ ކުރިން ވެސް ދެންނެވި ގޮތަށް އެކަތި އަނެކައްޗަށް (ކްރޮސް) ވާ ގޮތަށް ތައްކޮށްލާށެވެ. އިނގިލި ލަންބާލަން ފަސޭހަވެ ގިނަ އިރުތަކެއް ވަންދެން ބޭސް މަލަން ގަނޑު އިނގިލީގައި ތައްވެފައި ހުންނާނެއެވެ.
މި ލިޔުމުން ކަންކުރަންވީ ގޮތް ނުވިސްނިއްޖެ ނަމަ ތިރީގައި މިވާ ވީޑީއޯއިން ކަންކުރަންވީ ގޮތް ވަރަށް ރަނގަޅަށް ފެނިގެން ދާނެއެވެ.
ބޭސްމަލަނ އުފައްދާ މީހުންވެސް ހަމާތ ދޯ. އެ ގޮތަށް މެދުން ފަޅާލާފ އުފައްދާނަމ ދޯ