އާދަމް ޝަރީފް ރައީސް ސޯލިހަށް: ފިއްލަވައި ތިއްބަވައިގެން ގައުމީ މައްސަލަތައް ހައްލެއް ނުކުރެވޭނެ
ގައުމީ މައްސަލަތައް ހައްލުކުރުމުގައި އެކުވެރިކަމާއި އެއްބައިވަންތަކަން އިސްކުރަން ޖެހޭ ކަމަށް ވިދާޅުވެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ދެއްކެވި ވާހަކަފުޅަށް މަޑުއްވަރީ ދާއިރާގެ މެންބަރު އާދަމް ޝަރީފް ރައްދު ދެއްވައިފިއެވެ.
ދިވެހީންގެ އެއްބައިވަންތަކަމުގެ ދުވަސް އިހުތިފާލު ކުރުމަށް ރޭ ބޭއްވި ރަސްމިއްޔާތުގައި ރައީސް ސޯލިހު ވަނީ ޤައުމުގައި ހުރި މައްސަލަތައް ހައްލުކުރުމަށް އެންމެން އެއްބައިވުމަށް އެދިވަޑައިގެން އެކަމަށް ގޮވާލައްވާފައެވެ.
މިކަމާ ގުޅިގެން އާދަމް ޝަރީފް ކުރެއްވި ޓްވީޓުގައި ވިދާޅުވީ ޤައުމީ މައްސަލަތައް ހައްލުކުރެވޭނީ އެ މައްސަލަތަކާ ގުޅިގެން ރައްޔިތުންނާ މަޝްވަރާ ކުރައްވައި، ރައްޔިތުންގެ އަޑުއައްސަވައި، ރައްޔިތުންގެ ބޭނުންތަކާއި އެދުންތަކަށް އަމަލީ ޞިފަ ގެނެސްގެން ކަމަށެވެ.
“މިއިން އެއްވެސް ކަމެއް ނުކުރައްވައި ފިއްލަވާ ތިއްބަވައިގެން މައްސަލަތައް ހައްލުކުރަން އެއްބައިވަންތަކަން އިސްކުރާށޭ ވިދާޅުވުމަކީ ޒިންމާދާރު ގޮތެއް ނޫން “ އާދަމް ޝަރީފް ވިދާޅުވިއެވެ.
Ads by STO
