ކައިވެނި ޕާޓީ ކްލަސްޓަރ: ފައްސިވީ މީހުންގެ ތެރޭގައި އެއް އަހަރުން ދަށުގެ ދެ ކުދިން
މިމަހުގެ 20 ވަނަ ދުވަހު ޝީ ބިލްޑިންގް ގައި ބޭއްވި ކައިވެނި ޕާޓީއަކުން ކޮވިޑް-19 އަށް ފައްސިވީ މީހުންގެ ތެރޭގައި އެއް އަހަރުން ދަށުގެ ދެ ކުދިން ހިމެނޭ ކަމަށް ހާމަވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެވްޕީއޭ) ގެ ތަފާސް ހިސާބުތަކުން ދައްކާ ގޮތުގައި އެ ކްލަސްޓަރ އަށް ނިސްބަތްވާ މީހުންގެ ތެރެއިން ކޮވިޑް-19 ފައްސިވި މީހުންގެ އަދަދު 62 އަށް ވަނީ އަރާފައެވެ.
އެ ތަފާސްހިސާބުތަކުން ދައްކާގޮތުން ފައްސިވި އެއް އަހަރުން ދަށުގެ ދެ ކުދިންގެ ތެރޭގައި ހިމެނެނީ އަށް މަހުގެ އަންހެން ކުއްޖަކާއި ނުވަ މަހުގެ އަންހެން ކުއްޖެކެވެ.
ކައިވެނި ޕާޓީ ކްލަސްޓާއިން ފައްސިވީ މީހުންގެ ތަފްސީލު ތަކެއް އެޗްޕީއޭ އިން ހާމަ ކޮށްފައެއް ނުވެއެވެ. ނަމަވެސް ބުނެފައި ވަނީ އެޕާޓީން ކޮވިޑަށް ފައްސިވީ މީހުންގެ ތެރޭގައި ހައިރިސްކު ހަތަރު މީހަކު ހިމެނިފައިވާ ކަމަށެވެ.
ސަތޭކަ ވިހި މީހުން ދިޔަ އެޕާޓީން މިހާރު ފައްސިވެފައިވާ މީހުންގެ ތެރޭގައި ޕާޓީއަށް ދިޔަ މީހުންގެ އާއިލާ މެންބަރުން ވެސް ހިމެނޭ ކަމަށް މައުލޫމާތު ލިބިފައިވެއެވެ.
Ads by STO
