ޕީޕީއެމް ކައުންސިލު މެންބަރު ޒާހިދުގެ ފަރާތުން ރައީސް ޞާލިޙަށް ތަފާތު މެސެޖެއް
އިދިކޮޅު ޕީޕީއެމްގެ ކައުންސިލް މެންބަރު ޒާހިދު ރަމީޒު ތަފާތުގޮތަކަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙަށް އުފަންދުވަހުގެ ތަހުނިޔާ ފޮނުއްވައިފިއެވެ.
ވަޓްސްއެޕް މެދުވެރިކޮށް ޒާހިދު ރައީސް ޞާލީހަށް ފޮނުއްވި އުފަންދުވަހުގެ މެސެޖުގައި ބުނެފައިވަނީ ރައީސް "މި ހަމަޖައްސަނީ" ކަމަށް ވިދާޅުވުމުން ވަރަށް ކެތްތެރިކަމާއި އެކު ދެ އަހަރު މަޑުކޮށްފައިވާ ކަމަށެވެ.
އާއިލާ މީހުންގެ ބަސް އަހައިގެން ވެސް ހުރެވިއްޖެކަމަށް ބުނަމުން ޒާހިދު ބުނެފައި ވަނީ އިންސާނެއް ވެއްޖިއްޔާ ބުނާ ބަހެއްގައި ކޮންމެވެސް ކަހަލަ އިތުބާރެއް އޮންނަން ވާނެ ކަމަށެވެ. އަދި ޖާހިލިއްޔަ ޒަމާނުގައިވެސް އެކަން އޮންނަނީ އެހެންކަން ރައީސް އަށް ފޮނުވި މެސެޖުގައި ޒާހިދު ފާހަގަ ކޮށްފައިވެއެވެ. “ދެން”އަށް އެނގިފައިވާ ގޮތުގައި ޒާހިދު އެ ހާމަ ކުރައްވާފައިވާ އާއިލީ މެމްބަރަކީ ޒާހިދު ނިސްބަތްވާ އައްޑޫ ސިޓީ ހިތަދޫ މެދު ދާއިރާގެ މަޖިލިސް މެމްބަރު އަހުމަދު ރަޝީދު (ޗެކްމާކް) އެވެ.
އޮންލައިން ނޫސް "ދިޔަރެސް" އިން ބުނެފައިވަނީ ރިންގު ރޯޑު ހެދުމަށް ޒާހިދުގެ ނިއުޕޯޓު ކުންފުނިން ހިންގި ޗާޓައިމް ރެސްޓޯރެންޓު ތަޅާލުމާއި ގުޅިގެން އެތަނަށް ބަދަލުގެ ގޮތުގައި ލިބެންޖެހޭ ފައިސާ ހަމަޖެހޭނެ ކަމަށް ސަރުކާރުން ބުނެފައިވާތާ ދެ އަހަރުވެއްޖެ ކަމަށާއި ރައީސް ޞާލިޙު ވެސް އެ ފައިސާ ހަމަޖެހޭނެކަމަށް ވިދާޅުވެފައިވާކަން އެނޫހަށް އެނގިފައިވާ ކަމަށެވެ.
މީގެ އިތުރުން ރައީސް ނަޝީދުވެސް އެހެން ވިދާޅުވެފައިވާ ކަމަށާއި ޒާހިދުގެ އާއިލާގެ ބައެއް ފަރާތްތަކަށްވެސް ރައީސް ޞާލިޙު ވަނީ އެ ފައިސާ ހަމަޖެހޭނެ ކަމުގެ ޔަގީންކަން ދެއްވާފައި ކަމަށް ވެސް އެނޫހުގައި ބުނެފައިވެއެވެ.
ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ ވެރިކަމުގައި އެތަން ތަޅާލުމުން ބަދަލުގެ ގޮތުގައި 32 މިލިއަން ރުފިޔާ ހޯދަމަށް ޒާހިދުގެ ފަރާތުން ހުށަހެޅިއެވެ. ނަމަވެސް ރައީސް ޔާމީންގެ ވެރިކަމުގައި އިތުރަށް މަޝްވަރާ ކުރުމަށްފަހު ނިންމީ އެ އަދަދު 14 މިލިއަނަށް ކުޑަކުރުމަށެވެ. އަދި އެ އަދަދު ދޭން ނިންމާފައި ވަނިކޮށް ރައީސް ޞާލިޙު ރިޔާސީ އިންތިހާބުން މޮޅުވުމުން، ޓްރާންސިޝަނަލް ކޮމިޓީން ވަނީ އެންޓި ކޮރަޕްޝަން ކޮމިޝަން މެދުވެރިކޮށް އެ ފައިސާ ދޫކުރުން ހުއްޓުވާފައެވެ. އަދި އެކަމުގައި ސަރުކާރުގެ ނުފޫޒު އޮތްކަމަށް އޭސީސީގެ އޭރުގެ ރައީސް ހަސަން ލުތުފީ ވިދާޅުވެފައިވެއެވެ.
މިފައިސާ ދީގެން ނުވާނެ.މަހަށް ދޭބަލަ ޒާހިދު.
ފުރަތަަމ ބަލާބަލ ތިތަނ އެޅ ކިހިނެތްހޯދ ފައިސާއަކުންތޯ