ރައީސް ޔާމީން ޖަލުގައި ހުންނަވާތާ 400 ދުވަސް: ވަކީލުން ކަންބޮޑުވުން ފާޅުކޮށްފި
މަނީ ލޯންޑަރިންގެ މައްސަލައެއްގައި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމަށް ދައުވާކުރީ އެމްޑީޕީ އާއި ސަރުކާރުގެ ނާގާބިލްކަން ފޮރުވަން ކަމަށް ވިދާޅުވެ ރައީސް ޔާމީން ޖަލުގައި ހުންނަވާތާ 400 ދުވަސްވެފައިވާކަން ފާހަގަކޮށް އެމަނިކުފާނުގެ އިސް ވަކީލު ޑރ. މުހައްމަދު ޖަމީލް އަހުމަދު ކަންބޮޑުވުން ފާޅު ކުރައްވައިފިއެވެ.
ރައީސް ޔާމީންގެ މައްޗަށް ކްރިމިނަލް ކޯޓުން ފަސް އަހަރާއި ހަ މަސް ދުވަހުގެ ޖަލު ހުކުމެއް ކުރީ 2019 ވަނަ އަހަރުގެ ނޮވެމްބަރު މަހުގެ 28 ވަނަ ދުވަހުގައެވެ. އެމަނިކުފާނު ޖަލުގައި ހުންނަވާތާ މިއަދަށް މިވަނީ 400 ދުވަސް ފުރިފައެވެ.
މިކަމާ ގުޅިގެން ރައީސް ޔާމީންގެ އިސްވަކީލު ޑރ. ޖަމީލު ވިދާޅުވީ ރައީސް ޔާމީންގެ މައްޗަށް ދައުވާކުރީ އެމްޑީޕީ އާއި ސަރުކާރުގެ ނާގާބިލްކަން ފޮރުވަން ކަމަށެވެ.
"ފަސް އަހަރު ކާމިޔާބު ވެރިކަމެއް ކުރެއްވުން ކުށަކަށް ވެގެންނުވާނެ،" ރައީސް ޔާމީން ޖަލުގައި ހުންނެވި ހުންނެވުމަށް އިޝާރާތް ކުރައްވާ ޑރ. ޖަމީލް ވިދާޅުވިއެވެ.
ޖަމީލު ދައްކާ ވާހަކަ ވެސް ދެންވީހަމަ ގަބޫލް ކުރަން ދޯ.