ޖޫން މަހުގެ ޖީސީއެސްއީ އާއި އޭލެވެލް އިމްތިހާނު އިންގްލޭންޑުން ކެންސަލް ކޮށްފި
ޖޫން މަހު ފެށުމަށް ހަމަޖެހިފައިވާ ޖީސީއެސްއީ އާއި އޭލެވެލް އިމްތިހާން ކޮވިޑް-19 އާ ގުޅިގެން މި އަހަރު ނުބާއްވަން އިންގްލެންޑް އިން ނިންމައިފިއެވެ.
އިންގްލޭންޑް ތަޢުލީމީ ވުޒާރާގެ ސެކްރެޓަރީ ގަވިން ވިލިއަމްސަން ދެންމެ ނެރުނު ބަޔާނެއްގައި ކޮވިޑް-19 އާ ގުޅިގެން އިމްތިހާން ފަސްކުރިކަން ވަނީ ހާމަ ކުރައްވާފައެވެ. އަދި އިމްތިޙާންގެ ބަދަލުގައި ގްރޭޑް ދޭނެ އިތުރު ގޮތެއް ކަނޑައަޅާނެ ކަމަށް ވަނީ ވިދާޅުވެފައެވެ. ބެލެވޭ އެދަރިވަރަކަށް ކިޔަވައިދޭ ޓީޗަރަކަށް އޭލެވެލް އިމްތިޙާނުގެ ގްރޭޑް ކަނޑައެޅުމުގެ ބާރު ލިބިގެންދާނެއެވެ.
ކޮވިޑް-19 އާ ގުޅިގެން މިދިޔަ އަހަރުގެ ނޮވެމްބަރު ބާއްވަން އުޅުނު ޖީސީއެސްއީ އާއި އޭލެވެލް އިމްތިހާން ވެސް ކެންސަލް ކުރިއެވެ.
އިންގްލެންޑްގައި ކޮވިޑް-19 ހަލުވި ކަމާއެކު ފެތުރެމުންދާތީ، ޑިސެންބަރު މަހު އައި ޗުއްޓީ ވަނީ އިތުރުކޮށްފައެވެ. ޖެނުއަރީ 11 ވަނަ ދުވަހު ޗުއްޓީ ނިމޭއިރު، ފުރަތަމަ ކިޔެވުމަށް ހަމަޖެހިފައި ވަނީ ސުކޫލަށް ނުގޮސް އޮންލައިންކޮށެވެ. އަދި ފެބްރުއަރީ މަހުން ފެށިގެން ސްކޫލުތައް ހުޅުވިގެންދާނެ ކަމަށް އެޤައުމުގެ ތަޢުލީމާ ބެހޭ ވުޒާރާއިން ހާމަކުރެއެވެ.
މިއަދު އިނގިރޭސިވިލާތުގެ ބޮޑު ވަޒީރު ބޮރިސް ޖޯންސަން ވަނީ އިނގެރޭސިވިލާތުގެ ޤައުމުތަކުގައި މިހާރު އަމަލު ކުރަމުން އަންނަ ކޮވިޑް-19 ފިޔަވަޅުތައް މަޑު މަޑުން ނަގާނެ ކަމަށް ވިދާޅުވެފައެވެ. އަދި ސުކޫލުތައް ހުޅުވުމަކީ އެންމެ ފުރަތަމަ ކުރައްވާނެ ކަންތައް ކަމަށާއި ނަމަވެސް އަވަސް އަރުވާލައިގެން ނިންމުމެއް ނުނިންމާނެ ކަމަށްވެސް ބޮރިސް ވިދާޅުވިއެވެ.
