މިފަހަރު ވަގަށް ނެގީ ބޮޑު މަތިންދާ ބޯޓެއް
އަރިޒޯނާ އެއަރޕޯޓަށް ބަޔަކު ވަގަށް ވަދެ އެތަނުގެ މަތިންދާ ބޯޓެއް ވަގަށް ނަގައިފިއެވެ.
މި އެއަރޕޯޓުން ވަގަށް ނަގައިފައިވާ މަތިންދާ ބޯޓުގެ އަގަކީ ގާތްގަނޑަކަށް 70،000 އާއި 80،000 އެމެރިކާގެ ޔޫއެސް ޑޮލަރުގެ އަގެއް ކަމަށް ރިޕޯޓުތަކުން މައުލޫމާތު ލިބެއެވެ.
އެ މަތިންދާ ބޯޓު ވަގަށް ނެގުމަށް އެހާ ހައި ސެކިއުރިޓީއެއް އޮންނަ އެއަރޕޯޓަށް ވަގަށް ވަނުމަކީ ވަރަށް ވެސް ނާދިރުކަމެއް ކަމަށާއި އެކަމުގައި އެކަކަށް ވުރެ ގިނަ މީހުން ޝާމިލު ވާކަމީ އަރިޒޯނާ ފުލުހުން އެކަމާ ހައިރާންވާ ކަމެއް ކަމަށް ވެސް ރިޕޯޓުތަކުން މައުލޫމާތު ލިބެއެވެ.
މީގެ އިތުރުން ވަގުން ދެނެގަނެ ހައްޔަރު ކުރުމުގައި އެގައުމުގެ އާންމުގެ އެހީތެރިކަމަށް ފުލުހުން އެދިފައިވާއިރު، އެކަން ކުރާ މީހަކަށް 450 ޑޮލަރުގެ ފައިސާގެ އިނާމެއް ދޭގޮތަށް ހަމަޖެހިފައިވާ ކަމަށް ވެސް ފުލުހުން ބުނެފައިވެއެވެ.
މީގެ ކުރިން ވަގަށް ނަގައިގެން އުޅޭ ކަމަށް ޚަބަރުތައް ލިބެނީ ފިހާރަތަކުން ނުވަތަ ގެއަކުން ނަމަވެސް ފައިސާ ފަދަ ތަކެއްޗެވެ. އެހެންނަމަވެސް މިފަހަރު މިވަނީ މަތިންދާބޯޓެއް ވަގަށް ނަގައިފައެވެ. އަދި މިކަމަކީ ވަރަށް ބޮޑަށް ރޭވިގެން ކޮށްފައިވާ ކަމެއް ކަމަށް ވެސް ފާހަގަ ކުރެވޭ ކަމަށް އެގައުމުގެ ފުލުހުން ވަނީ ބުނެފައެވެ.
