ކުރީގެ ފިރިމީހާގެ ނަމާ ގުޅުވައިގެން ދަރިފުޅަށް ނަން ކިއުމުން އުފަންދުވަހުގެ ސެޓްފިކެޓްގައި ސޮއި ކުރަން ދެކޮޅު ހަދައިފި

4 އަހަރުވީ ކައިވެންޏަށް ލިބުނު ފުރަތަމަ ދަރިފުޅުގެ ނަން ފެނި އުފަން ދުވަހުގެ ސެޓްފިކެޓްގައި ސޮއި ކުރުމަށް އެ ކުއްޖާގެ ބައްޕަ ދެކޮޅު ހަދައިފިއެވެ.

Ads by Hajj Corporation

އެ ކުއްޖާގެ ނަން ސެޓްފިކެޓް ގައި ލިޔުނީ މަންމަ އެވެ. މި އަންހެން މީހާ މީގެ ކުރިން ވަނީ އިތުރު މީހަކާ ކައިވެނި ކޮށްފައެވެ. އަދި އެ ކައިވެންޏަށް 8 އަހަރު ވެފައި ވެއެވެ. ނަމަވެސް އެ ކައިވެނި ރޫޅި އިތުރު ކައިވެންޏެއް ކުރި އިރު ވެސް ކުރީގެ ފިރިމީހާގެ ހަނދާންތައް އަަބަދުވެސް އަންހެނުންނަށް އާވާ ހެން ހީވާ ކަމަށް މިހާރުގެ ފިރިމީހާ ބުންޏެވެ.ނަމަވެސް އެކަން ބޮޑު ކަމެއް ކަމުގައި ނުދެކެނީ 4 އަހަރުވީ ކައިވެނި އުފާވެރި ކަންމަތީ ދެމި އޮތުމުން ކަމަށް ވެސް އޭނާ ބުނެއެވެ.

އެ ކުއްޖާގެ ބައްޕަ ބުނި ގޮތުގައި ދަރިފުޅަށް ކިޔާނޭ ނަމަކާ މެދު ކުރިންވެސް ބަހުސް ކުރި ކަމަށެވެ. އަދި ފަހުން ދެމީހުންނަށް ރީތި ނަމެއް ކަނޑައަޅާފައިވާ ކަމަށެވެ.

ނަމަވެސް މިކަން ބަދަލު ވެގެން ދިޔައީ ދަރިފުޅުގެ އުފަންދުވަހުގެ ސެޓްފިކެޓްގައި އަނބިމީހާ ލިޔުނު ނަމުގެ ސަބަބުންނެވެ. ދެ މީހުން ވާހަކަ ދައްކައިގެން ކަނޑައެޅި ނަމުގެ ބަދަލުގައި އަނބިމީހާ ލިޔެފައި އޮތީ ކުއްޖާގެ ނަން ކުރީގެ ފިރިމީހާގެ ނަމާ ގުޅުވައިގެންނެވެ.

ކުއްޖާގެ ނަން ބަދަލު ނުކޮށްފިނަމަ ސެޓްފިކެޓް ގައި ސޮއި ނުކުރާނެ ކަމަށް ފިރިމީހާ ބުނުމުން އަނބިމީހާ ވަނީ ސޮއި ނުކޮށްފިނަމަ އޭނާއާ ވާހަކަ ވެސް ނުދައްކާނެ ކަމަށް ބުނެފައެވެ.މި މައްސަލައިގައި ފިރިހެން މީހާ ވަނީ އާންމުންގެ ހިޔާލު ވެސް ހޯދާފައެވެ.

އެގޮތުން ގިނަ މީހުން ބުނެފައި ވަނީ ކުއްޖާ އަކީ އޭނާގެ ދަރިއެއްތޯ ޔަޤީން ކުރުމަށް ފަހު ސެޓްފިކެޓްގައި ސޮއި ކުރުމަށެވެ.