ގެއަކީ ނާމާން ގެއެއްކަން އެނގުނީ ފާރުގެ ފަހަތުގައިވާ ދޮރެއްގެ ސަބަބުން!
އިންގްލޭންޑުގައި ދިރިއުޅޭ ފިރިހެނަކު ދިރިއުޅެމުން ދިޔަ ގެއިން ނާމާން އެތައް ކަމެއް ފާހަގަވާން ފެށުމުން ގެ އެއްކޮށް ބަލައިފިއެވެ.
ބޭރުގެ ނޫހެއްކަމަށްވާ "މިރީ.ސީއޯ.ޔޫކޭ" ގައި ރިޕޯޓުކޮށްފައި ވާގޮތުން މި ފިރިހެން މީހާއަށް އެތައް ނާމާން ކަންތަކެއް އެގެއިން މީގެ ކުރިން ވެސް ފާހަގަވިއެވެ. އެގޮތުން ގޭގެ ބޮކިތައް ނިވިދިއްލުމާއި، ގެއިން މީހެއްގެ ފިޔަވަޅުގެ އަޑު އިވުނަ ފަދަ ކަންކަން ހިމެނެއެވެ.
އެހުރިހާ އަޑުތަކަކީ ވެސް އޭނާއަށް ލިބެމުން ދިޔަ ނިޝާންތަކެއް ކަމަށާއި، ކޮންމެ ރެއަކު ވެސް އެއަޑުތަކުން އެގަޑިއަކަށް ހޭލެވުމަކީ އެ ޖިންނި އޭނާއަށް ކޮންމެވެސް ކަމެއް އަންގަން އުޅޭ ކަމުގެ "ސިގްނަލް"އެއް ދޭން އުލޭ ކަމުގެ އަލާމާތްތަކެއް ކަމުގައި އޭނާ ގަބޫލު ކުރާ ކަމުގައި ބޭރު މީޑިއާތަކުން ރިޕޯޓު ކޮށްފަައި ވެއެވެ.
އަދި އެ އަޑުތަކަކީ އޭނާއަށް އެކަނި އިވޭ އަޑުތަކެއްތޯ ކަށަވަރު ކުރުމަށްޓަކައި އެއްރޭ ރައްޓެއްސެއް ވެސް އެ ގޭގައި ނިންދެވި ކަމަށާއި، އޭނާއަށް ވެސް މީހެއްގެ ބާރު ފިޔަވަޅުތަކެއްގެ އަޑު އިވިފައިވާކަމަށް ރިޕޯޓުތަކުން މައުލޫމާތު ލިބެއެވެ. އަދި މީގެ އިތުރުން ވެސް ބުނެދޭން ނޭނގޭ އެތައް ކަމެއް އެގޭ ތެރެއިން އޭނާއަށް ދިމާވެފައިވާ ކަމުގައި އޭނާ ބުނެފައި ވެއެވެ.
އަދި އެ އަޑުތަކަށް ސަމާލުކަން ދީގެން ބެލި ބެލުމުގައި ފާރު ފަހަތުން އިތުރު ދޮރެއް ފެނިފައިވާ ކަމަށާއި އެދޮރުގެ އެތެރޭގައި ވަނީ މީގެ އެތައް އަހަރެއް ކުރިން މީހަކު ބިނާކުރި ކޮޓަރިއެއް ކަމުގައި ވެސް އޭނާ ފާހަގަކުރިއެވެ. އަދި އޭނާ އެކަންތައް ހަމައަކަށް އަޅުވާނެ ކަމަށާއި، އެ ޖިންނި އޭނާއަށް އަންގައިދޭން ބޭނުންވަނީ ކޮންކަމެއް ކަމަށާއި، އެކަންތައް ހޯދާފައި ނޫނީ ނުހުއްޓާނެ ކަމުގައި ވެސް އޭނާ ވަނީ ބުނެފައެވެ.
