އަމީނީ މަގުގެ ދެކުނުގައި ހުރި ޕާކިން ޒޯންތައް ކުއްޔަށް ދޫކުރަނީ
އަމީނީ މަގުގެ ދެކުނުގައިވާ މަގުތަކާއި ގޯޅިތަކުގައިވާ ޕާކިންގް ޒޯންތައް ކުއްޔަށް ދޫކުރަން ނިންމައިފިއެވެ.
އަމީނީ މަގާ ގުޅިފައިވާ ގޯޅިތަކުން ހަތަރު ފުރޮޅުލީ އުޅަނދުފަހަރަށް ވިއްކުމަށް 292 ޖާގަ ހަމަޖައްސާފައިވާ ކަމަށް މާލެ ސިޓީ ކައުންސިލުން ވިދާޅުވެއެވެ.
ސިޓީ ކައުންސިލުން ބުނީ ކުއްޔަށް ދޫކުރާ އުސޫލުން ޖާގަ ދޫކުރުމަށް ނިންމާފައިވަނީ އެ މަގާއި ގުޅިފައިވާ 13 ގޯޅިއާއި މަގަކުން ކަމަށެވެ. އެއީ ތަބުރޭޒީ ހިނގުމާއި، ފަޅުމަތީމަގާއި، މާނިފާހިނގުމާއި، ދޮންއަދަރާދަ ހިނގުމާއި، ކޮއިމަލާ ހިނގުމާއި، ރެހެންދި ހިނގުމާއި، ރަށްދެބައި ހިނގުމާއި، އައިމިނާ ރަނި ހިނގުމާއި، ވައިދެރި ހިނގުމާއި، މާފަތްކިލެގެފާނު ހިނގުމާއި، ހުދުފަޅު ހިނގުމާއި، ހިލާލީ މަގާއި، އުޖާލާ ހިނގުމުންނެވެ. މަގުމަތިން ވިއްކާ ޕާކިންގް ސްލޮޓެއްގެ އަގަކީ މަހަކު 1500 ރުފިޔާއެވެ.
އަމީނީ މަގުގެ ދެކުނުގައިވާ މަގުތަކާއި ގޯޅިތަކުގައިވާ ޕާކިންގް ޒޯންތައް ކުއްޔަށް ދޫކުރުމަށް ހަމަޖެހިފައި ވަނީ ހަތަރު ފުރޮޅުލީ އުޅަނދުފަހަރުގެ ތެރެއިން ކާރަށާއި 350 ކިލޯއިން ފެށިގެން ދަށުގެ ޕިކަޕުތަކަށް ކަމަށް ސިޓީ ކައުންސިލުން ވިދާޅުވެއެވެ.
ސިޓީ ކައުންސިލްގެ ޕާކިންގް ސްލޮޓްތަކަށް އެދި ޕޯޓަލް މެދުވެރިކޮށް ހުށަހަޅާއިރު ފުރިހަމަ ކުރަންޖެހޭ ކަންތައްތަކުގެ ތެރޭގައި، ވެރިފަރާތް ނޫން އެހެން ފަރާތަކުން ހުށަހަޅާނަމަ ޕަވަރ އޮފް އެޓަރނީގެ ލިޔުން ހުށަހެޅުން ނުވަތަ އެއްބަސްވުމުގެ ކޮޕީއެއް ހުށަހެޅުން، ރޯޑް ވާދިނަސް އަދި އަހަރީ ފީގެ ލިޔުންތައް ހުށަހެޅުމާ، އިންޝުއަރެންސް ލިޔުން ހުށަހެޅުން ހިމެނެއެވެ.
ޕާކިންގް ސްލޮޓްތަކުން ޖާގަ ދޫކުރާނީ މާލޭ ސިޓީއަށް ރަޖިސްޓްރީ ކޮށްފައިވާ އުޅަނދުތަކަށް ކަމަށް މާލޭ ސިޓީ ކައުންސިލުން ބުނެއެވެ.
ބަލަ ކާރު ރަޖިސްޓްރީ ނުވެގެން އުޅޭއިރު ތިޔަ ތަންތަން ތިގޮތަށް ކުއްޔައް ދޭއިރު އެކާރު ތަކަށް ރަޖިސްޓްރީ ކުރެވޭގޮތަށް ކުރާނަމަ ވ ފުރިހަމަވީސް