މާލޭގެ ކާފިއު 2 ހަފްތާއަށް ދިގު ދަމާލައިފި

މާލޭގައި މިހާރު ހިންގަމުން އަންނަ ކާފިއު، އިތުރު 2 ހަފްތާއަށް ދިގު ދަމާލަން ނިންމައިފިއެވެ. މާލޭގައި މިހާރު ކާފިއު ހިންގަމުން އަންނަނީ ރޭގަނޑު 11 އިން ފެށިގެން ފަތިހު 4:30 އަށެވެ.

Ads by STELCO

މިއީ ކޮވިޑްގެ ވޭދަނަތައް އިތުރުވަމުންދާތީ ރައްކާތެރިކަމުގެ ފިޔަވަޅެއްގެ ގޮތުގައި ނިންމި ނިންމުމެއް ކަމަށް އެޗްޕީއޭ އިން ވަނީ ބުނެފައެވެ.

ކޮވިޑްގެ ކޭސްތައް އިތުރުވެފައިވާ މިދަނޑިވަޅުގައި މީގެ ކުރިން ވެސް ވަނީ ކާފިއު ހިންގާފައެވެ. ފަހަކަށް އައިސް ކޮވިޑަށް ފައްސި ވާ މީހުންގެ އަދަދު ދަނީ ބޮޑުތަން އިތުރު ވަމުންނެވެ. މިއާއެކު ފިޔަވަޅުތައް އިތުރަށް ހަރުކަށި ކުރުމުގެ މަސައްކަތް ދަނީ ކުރަމުންނެވެ.

އެގޮތުން މާލޭ ސަރަހައްދުގައި ޕާޓީތަކާއި ހަފްލާތަކާއި ރަސްމިއްޔާތުތައް ވެސް ބޭއްވުން މަނާވާނެ ކަމަށް އެޗްޕީއޭ އިން ވަނީ މީގެ ކުރިން ބުނެފައެވެ.