ރޭގަނޑު 8:30 އިން ފެށިގެން މާލޭގައި އެއްގަމު އުޅަނދު ދުއްވުން މަނާކޮށްފި
ރޭގަނޑު 8:30 އިން ފެށިގެން ފަތިހު 4:30 އާ ހަމައަށް މާލޭ ސަރަހައްދުގައި އެއްގަމު އުޅަނދުފަހަރު ދުއްވުން މަނާ ކޮށްފިއެވެ.
އެޗްޕީއޭއިން ބުނީ މިއީ މާލޭގައި ކޮވިޑް-19 ގެ ކޭސްތައް އިތުރުވަމުން ދިޔުމާ ގުޅިގެން ރައްކާތެރިވުމުގެ ގޮތުން އެޅި ފިޔަވަޅެއް ކަމަށެވެ.
ކޮވިޑްގެ ކޭސްތައް އިތުރުވެފައިވާ މިދަނޑިވަޅުގައި މީގެ ކުރިން ވެސް ވަނީ ކާފިއު ހިންގާފައެވެ. ފަހަކަށް އައިސް ކޮވިޑަށް ފައްސި ވާ މީހުންގެ އަދަދު ދަނީ ބޮޑުތަން އިތުރުވަމުންނެވެ. މިއާއެކު ފިޔަވަޅުތައް އިތުރަށް ހަރުކަށި ކުރުމުގެ މަސައްކަތް ދަނީ ކުރަމުންނެވެ.
އެގޮތުން މީގެ އިތުރުން މީހުން ދިރިއުޅޭ ހުރިހާ ރަށެއްގައި މާސްކް އެޅުން މަޖުބޫރުކޮށް، ޕާޓީތަކާއި އެއްވުންތައް ބޭއްވުން ވަނީ މަނާ ކޮށްފައެވެ. މީގެ އިތުރުން ކޮލެޖްތަކާއި ޔުނިވަސިޓީތަކުގެ ކިޔެވުން އޮންލައިންކޮށް ކުރިޔަށް ގެންދިޔުމަށް ވެސް ވަނީ ނިންމާފައެވެ.
Ads by STO
