ޔުނިވަރސިޓީ އަދި ކޮލެޖްތަކުގެ ކިޔެވުން އޮންލައިން ކުރަން އަންގައިފި

ކުރިޔަށް އޮތް 2 ހަފްތާއަށް ޔުނިވަރސިޓީ އަދި ކޮލެޖްތަކުގެ ކިޔެވުން އޮންލައިން ކުރަން އަންގައިފިއެވެ.

Ads by Sosun Fihaara

އެޗްޕީއޭއިން ބުނެފައި ވަނީ މިއީ ކޮވިޑްގެ ކޭސްތައް އިތުރު ވަމުންދާތީ ރައްކާތެރި ކަމުގެ ފިޔަވަޅެއްގެ ގޮތުގައި ނިންމި ނިންމުމެއް ކަމަށެވެ.

ރާއްޖޭގައި ފަހަކަށް އައިސް ކޮވިޑް-19ގެ ކޭސްތައް އިތުރުވަމުންދާ މިދަނޑިވަޅުގައި އެޗްޕީއޭއިން ވަނީ ފިޔަވަޅުތައް ވަރުގަދަ ކުރަން ފަށާފައެވެ. އެގޮތުން މާލެ ސަރަޙައްދުގެ ކާފިއު ގަޑި އިތުރުކޮށް ރޭގަނޑު 8:30 އިން ފެށިގެން ފަތިހު 4:30 އަށް އެއްގަމު އުޅަނދު ދުއްވުން ވަނީ އަނެއްކާ ވެސް މަނާކޮށްފައެވެ.

މީގެ އިތުރުން މީހުން ދިރިއުޅޭ ހުރިހާ ރަށެއްގައި މާސްކް އެޅުން މަޖުބޫރުކޮށް، ޕާޓީތަކާއި އެއްވުންތައް ބޭއްވުން ވަނީ މަނާ ކޮށްފައެވެ.