ޕްރީ ސްކޫލުތަކާއި ނާސަރީ އަދި ޑޭ ކެއަރ ސެންޓަރުތައް ބަންދުކުރަން ނިންމާފައިވަނީ މާލެ ސަރަޙައްދުގައި އެކަނި
ޕްރީ ސްކޫލުތަކާއި ނާސަރީ އަދި ޑޭ ކެއަރ ސެންޓަރުތައް ބަންދުކުރަން ނިންމާފައިވަނީ ހަމަ އެކަނި މާލެ، ހުޅުމާލެ އަދި ވިލިމާލޭގައި އެކަނި ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
ރާއްޖޭގައި ކޮވިޑްގެ ކޭސްތައް ގިނަ ވުމާ ގުޅިގެން އެޅި ފިޔަވަޅު ތަކު ތެރޭގައި ޕްރީ ސްކޫލްތަކާއި، ނާރސަރީތަކާއި، ޑޭކެއާ ހިދުމަތްދޭ ތަންތަން ބަންދުކުރަން ވަނީ ނިންމާފައެވެ. ފަހަކަށް އައިސް ރާއްޖޭގައި ކޮވިޑް ކޭސް ތައް ގިނަވުމުގެ ސަބަބުން މިދަނޑިވަޅުގައި އެޗްޕީއޭއިން ވަނީ ފިޔަވަޅުތައް ވަރުގަދަ ކުރަން ފަށާފައެވެ.
ކޮވިޑް-19 ގެ ކޭސްތައް މިދިޔަ ސެޕްޓެމްބަރު މަހުން ފެށިގެން މަދުވުމުން، އެޗްޕީއޭއިން ވަނީ ބައެއް ލުއިތައް މީގެ ކުރިން ދެއްވާފައެވެ. އެގޮތުން ސްކޫލުތަކާއި ކޮލެޖްތައް އަލުން ހުޅުވައިގެން ކިޔަވައި ދޭން ވެސް ފެށިއެވެ.
އެހެން ނަމަވެސް ކޮވިޑް ކޭސްތައް ރާއްޖޭގައި ގިނަވެ ކޮންމެ ދުވަހަކު ވެސް ކޮވިޑަށް ފައްސިވާ މީހުންގެ އަދަދު 100 އަށްވުރެ މަތީގައި އުޅޭތާ ހަފްތާއެއް މިވަނީ ވެފައެވެ. މިކަމާ ގުޅިގެން މާދަމާއިން ފެށިގެން ރައްކާތެރިކަމުގެ ފިޔަވަޅުތައް މިވަނީ އިތުރަށް ވަރުގަދަ ކޮށްފައެވެ.
Ads by STO
